နအဖစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းက မြန်မာနိုင်ငံတွင် ယခုနှစ်အတွင်း ကတိပြုထားသည့်အတိုင်း ရွေးကောက်ပွဲ ပြုလုပ်ပေးမည်ဖြစ်ပြီး တရားမျှတမှုရှိစေရမည်ဟု အာဆီယံနိုင်ငံခြားရေးဝန်ကြီးများကို ပြောဆိုကြောင်း အာဆီယံအထွေထွေ အတွင်းရေးမှူး ဆူရင်ပစ်စ၀မ်က ယမန်နေ့က ပြောကြားသည်။
ဗီယက်နမ်နိုင်ငံတွင် ကျင်းပသည့် အာဆီယံနိုင်ငံခြားရေးဝန်ကြီးများ အစည်းအဝေး တက်ရောက်နေသည့် မြန်မာနိုင်ငံခြားရေးဝန်ကြီး ဦးဉာဏ်ဝင်းက အာဆီယံနိုင်ငံခြားရေးဝန်ကြီးများအား ယမန်နေ့ ညစာစားပွဲတွင် ပြောဆိုခဲ့ခြင်း ဖြစ်ကြောင်း မစ္စတာ စူရင်ပစ်စ၀မ်က ပြောသည်။
ယခုနှစ်အတွင်း ရွေးကောက်ပွဲကျင်းပပေးမည်၊ လွတ်လပ်တရားမျှတပြီး ယုံကြည်ရသည့် ရွေးကောက်ပွဲဖြစ်စေရမည်ဟု ဦးဉာဏ်ဝင်းက အခိုင်အမာ ပြောကြားသွားကြောင်း မစ္စတာ စူရင်ပစ်စ၀မ်က အာဆီယံနိုင်ငံခြားရေးဝန်ကြီးများ အစည်းအဝေး အလွတ်ဆွေးနွေးပွဲတွင် သတင်းထောက်များအား ပြောကြားခြင်းဖြစ်ကြောင်း အေအက်ဖ်ပီသတင်းတွင် ပါရှိသည်။
၎င်းက “ရက်တော့ မသတ်မှတ်ရသေးဘူး၊ ဒါပေမယ့် အားလုံးကတော့ လမ်းကြောင်းအတိုင်း သွားနေတာပဲ၊ ကျနော်တို့ကို အဲလိုပဲ ပြောတာပဲလေ” ဟု ပြောသည်။
မြန်မာနိုင်ငံအရေးနှင့်ပတ်သက်၍ ယခုနှစ်အတွင်း ရည်ရွယ်ထားသည့်အတိုင်း အထမြောက်စေရန်နှင့် အာဆီယံအနေဖြင့် နိုင်ငံတကာအသိုင်းအ၀ိုင်းနှင့် ဆက်ဆံရေးတိုးမြှင့်ကာ ပိုမိုပူးပေါင်းဆောင်ရွက်သွားနိုင်ရန် အာဆီယံနိုင်ငံခြားရေးဝန်ကြီးများက မျှော်လင့်ထားကြကြောင်းလည်း မစ္စတာ စူရင်ပစ်စ၀မ်က ပြောသည်။
နအဖစစ်အစိုးရ ထိပ်ပိုင်းခေါင်းဆောင်းများအနေဖြင့် ယခုနှစ်အတွင်း ရွေးကောက်ပွဲပြုလုပ်ပေးမည့်ကိစ္စကို ထုတ်ဖော်ပြောဆိုခြင်းမှာ ယခုအကြိမ်သည် ဇန်န၀ါရီလအတွင်း ဒုတိယအကြိမ်ဖြစ်သည်။
ပြီးခဲ့သည့် ဇန်န၀ါရီ (၄) ရက်၌လည်း နအဖစစ်ခေါင်းဆောင် ဗိုလ်ချုပ်မှူးကြီးသန်းရွှေက လွတ်လပ်ရေးနေ့ သ၀ဏ်လွှာတွင် ယခုနှစ်တွင် ရွေးကောက်ပွဲ ပြုလုပ်မည်ဟု အတည်ပြုပြောကြားခဲ့သည်။
စစ်ခေါင်းဆောင်များအနေဖြင့် ထိုသို့ထုတ်ဖော်ပြောဆိုနေသော်လည်း ရွေးကောက်ပွဲရက် အတိအကျ မသတ်မှတ်ခြင်း၊ ယခုအချိန်အထိ နိုင်ငံရေးပါတီများ မှတ်ပုံတင်ဥပဒေနှင့် ရွေးကောက်ပွဲဥပဒေ မထွက်ရှိခြင်းတို့ကြောင့် ရွေးကောက်ပွဲအတွက် အချိန်ကာလ လုံလောက်မှုမရှိကြောင်း နိုင်ငံရေးအကဲခတ်များက ထောက်ပြပြောဆိုနေကြသည်။
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ကမူ ရွေးကောက်ပွဲမလုပ်ခင် နိုင်ငံရေးအကျဉ်းသားများအားလုံး လွှတ်ပေးရန်၊ ၂၀၀၈ ခုနှစ် အခြေခံဥပဒေမှ ဒီမိုကရေစီနှင့်မကိုက်ညီသည့်အချက်များကို ပြုပြင်ပြောင်းလဲပေးရန်နှင့် လွတ်လပ်ပြီး တရားမျှတသည့် ရွေးကောက်ပွဲအဖြစ် ကျင်းပပေးရန် ရွှေဂုံတိုင်ကြေညာစာတမ်း ထုတ်ပြန်တောင်းဆိုထားသည်။ ယင်းအဓိက တောင်းဆိုချက် (၃) ရပ်နှင့်ပြည့်စုံမှသာလျှင် ရွေးကောက်ပွဲဝင်ရန် စဉ်စားမည်ဟု ပြောဆိုထားသည်။
ပြီးခဲ့သည့်နိုဝင်ဘာလအတွင်း ကျင်းပခဲ့သည့် အာရှပစိဖိတ်အစည်းအဝေးတွင် မြန်မာနိုင်ငံ၌ကျင်းပမည့် ၂၀၁၀ ရွေးကောက်ပွဲသည် လွတ်လပ်၊ တရားမျှတ၊ အားလုံးပါဝင်နိုင်ပြီး ပွင့်လင်းမြင်သာသည့် ရွေးကောက်ပွဲဖြစ်စေရမည်ဟု အမေရိကန်ပြည်ထောင်စုနှင့် အာဆီယံ (၁၀) နိုင်ငံတုိ့က သဘောတူညီခဲ့ကြသည်။
အာဆီယံသည် အဖွဲ့ဝင်နိုင်ငံအချင်းချင်း တနိုင်ငံ၏ပြည်တွင်းရေးကို တနိုင်ငံက ၀င်ရောက်မစွက်ဖက်ရေးမူဝါဒကို ကျင့်သုံးနေပြီး မြန်မာနိုင်ငံအပေါ် အပြုသဘောဆောင်ဆက်ဆံနေသဖြင့် နိုင်ငံတကာအသိုင်းအ၀ိုင်း၏ ပြစ်တင်ဝေဖန်မှုခံနေရသည်။
ခေတ်ပြိုင်မှတဆင့်
No comments:
Post a Comment
မည်သည့်အကြံပေးစာကိုမဆို ဝေဖန်စာကိုမဆို ရေးသားနိုင်ပါသည်။မိတ်ဆွေတို့၏ အကြံပေးချက်များသည် ကျွန်တော်အတွက် အားအင်၊အကြံဥာဏ်သစ်များ ဖြစ်ပါသည်။