30 March 2009

ဆက်လက်ဖတ်ရှုရန်...

28 March 2009

Than Shwe's Real Age

ဆက်လက်ဖတ်ရှုရန်...

Village fired by DKBA (February 16, 2009)

ဆက်လက်ဖတ်ရှုရန်...

ဧရာဝတီ Site ကအာဘော်ကို ပြန်တင်ထားတာပါ

မေး။ ။ တကယ်လို့ ဒီနှစ် မေလမှာ ဒေါ်အောင်ဆန်းစုကြည် ပြန်လွတ်လာမယ်ဆိုရင် ဘယ်လိုဖြစ်လာနိုင်မလဲ။

ဖြေ။ ။ မြန်မာပြည်သူတွေ အလွန်ဝမ်းမြောက်ပါလိမ့်မယ်။ စစ်အစိုးရကိုလည်း လူတွေက ကျေးဇူးတင် သာဓုခေါ် ကြပါလိမ့်မယ်။ သူ့ကိုဝေဖန်နေတဲ့သူတွေကတောင် အသိအမှတ်ပြုတုံ့ပြန်တာမျိုး ရနိုင်ပါတယ်။ အထူးသဖြင့်တော့ အမေရိ ကန်နိုင်ငံနဲ့ နိုင်ငံတကာမိသားစုဆီကပါပဲ။

မေလမှာ ဒေါ်စု ပြန်လွတ်လာဖို့ဆိုတာ စိတ်ကူးယဉ်တာမျိုးပဲ ဖြစ်နိုင်ပါတယ်။ တကယ်လို့ လွတ်လာရင်တော့ ဗိုလ်ချုပ်မှူး ကြီးက သူ့ကို "လမ်းပြမြေပုံ" လုပ်ငန်းစဉ်မှာ ပါဝင်စေချင်လို့ သာဖြစ်ပါလိမ့်မယ်။ အမျိုးသားဒီမိုကရေစီ အဖွဲ့ချုပ် (NLD) ကို ရွေးကောက်ပွဲ ၀င်စေချင်လို့ ဆိုတာမျိုးလည်း ဖြစ်နိုင်ပါတယ်။

အကယ်၍ သူက ၂၀၁၀ ရွေးကောက်ပွဲပြီး နောက်ပိုင်းမှ လွတ်လာမယ်ဆိုရင်တော့ လက်ရှိ စစ်အစိုးရက ဒီကိစ္စကို နောက် အစိုးရလက်ထဲ လွှဲပေးချင်လို့ ဖြစ်ပါလိမ့်မယ်။ ဒါနဲ့ စစ်အစိုးရ ဘာကြောင့် ဒေါ်စုနဲ့ NLD ကို ရွေးကောက်ပွဲ ၀င်စေချင်ရမှာ လဲ။ စဉ်းစားဖို့ လိုပါတယ်။ အခုပွဲက ဗိုလ်ချုပ်သန်းရွှေရဲ့ ရွေးကောက်ပွဲပါ။ သူ့အလိုကျ မဲလိမ်ညစ်ပတ်တာတွေ ဖြစ်လာနိုင်ပါတယ်။

ဖြစ်နိုင်တာက သူပြန်လွတ်လာပြီးတဲ့နောက်ပိုင်းမှာတော့ အမျိုးသမီးတွေ၊ ဗုဒ္ဓဘာသာ ဘုန်းတော်ကြီးတွေ အပါအ၀င် နိုင်ငံ ရေးအကျဉ်းသားတွေ လွတ်မြောက်ရေးအတွက် သူက ဆက်လက် တောင်းဆိုပါလိမ့်မယ်။

သူ့ကို ပြန်လွှတ်ပြီးတဲ့နောက်ပိုင်းမှာတောင်မှ ကျနော်တို့ ထပ်တွေ့ကြရမယ့် လက်တွေ့ပြဿနာက ဒေါ်စု ပြန်ပြီးတော့လည်း အဖမ်းခံရနိုင်ပါသေးတယ်။ နောက်ထပ် ၆ နှစ်ကြာ အိမ်အကျယ်ချုပ် ပြန်ချထားတာမျိုးလည်း ကြုံနိုင်ပါသေးတယ်။

ပိုဆိုးတဲ့ အနေအထား မျှော်လင့်ထားနိုင်တာက ဒေါ်စုကိုယ်တိုင် ရုပ်ပိုင်းဆိုင်ရာ အကြမ်းဖက် တိုက်ခိုက်မှုတွေနဲ့ ကြုံရနိုင် တာပါပဲ။ အခု သူအဖမ်းမခံရခင် ၂၀၀၃ ခုနှစ်ကလည်း ဖြစ်ခဲ့ပြီးပါပြီ။ စစ်အစိုးရ လိုလားတဲ့ လူအုပ်စုတွေက သူ့ကားတန်း ကို ဒီပဲယင်းမှာ တိုက်ခိုက်ခဲ့ကြပါတယ်။ တချို့ လေ့လာသူတွေနဲ့ သံအမတ်တွေ ထင်ကြတာက ပြန်လွတ်လာရင်တောင် ရန်ကုန်မြို့ထဲ လောက်ပဲ သွားလာခွင့် ကန့်သတ်ထားတာမျိုးလည်း ကြုံရနိုင်ပါသေးတယ်။

မေး။ ။ တချို့မြန်မာ့အရေး လေ့လာသူတွေ ပြောကြတာက သူ့ကို NLD ပါတီကနေ ခဏနားသင့်တယ်လို့ ဆိုကြပါ တယ်။ အဲသည်အစား သူက နိုင်ငံရဲ့ခေါင်းဆောင်တဦးအနေနဲ့ အမျိုးသားပြန်လည် သင့်မြတ်ရေးအတွက် စစ်အစိုးရနဲ့ အတူ ပူးပေါင်းလုပ်ဆောင်ဖို့ အင်အား ပိုသုံးသင့်တယ်လို့ ဆိုနေပါတယ်။

ဖြေ။ ။ ကုလသမဂ္ဂအထူးသံ မစ္စတာ အီဗရာဟင် ဂန်ဘာရီကတဆင့် ဒေါ်စုထုတ်ပြန်ခဲ့တဲ့ ၂၀၀၇၊ နိုဝင်ဘာလ ကြေညာ ချက်ကို ကြည့်ရင်၊ ဒီမေးခွန်းအတွက် အကောင်းဆုံး အဖြေပေးထားတယ်လို့ ဆိုနိုင်ပါတယ်။ သူပြောတာက ဒီမို ကရေစီ နိုင်ငံ (လူမှုအဖွဲ့အစည်း) တွေမှာ နိုင်ငံရေးပါတီတွေရဲ့ အခန်းကဏ္ဍကို ကောင်းကောင်းသိထားတယ်။ သူ့ပါတီက လူတွေရဲ့ စွန့်လွှတ် အနစ်နာခံမှုတွေကိုလည်း လေးလေးနက်နက် ကျေးဇူးတင်တယ်။ သူက ဒီပါတီရဲ့ အထွေထွေအတွင်း ရေးမှူးတဦး လည်းဖြစ်တဲ့အတွက်ကြောင့် ဒီပါတီဝင်တွေရဲ့ ဆန္ဒလိုလားမှုတွေ၊ ချမှတ်ထားတဲ့ မူဝါဒတွေက သူ့ကို ဦးဆောင် လမ်းညွှန်နေတယ် လို့ ဆိုပါတယ်။

ဒါပေမယ့်လည်း အခုအချိန်က ဒီမိုကရေစီရေးအတွက် သွေးစည်းကြရတော့မယ့် အချိန်၊ သူ့တာဝန်ကလည်း မတူကွဲပြားတဲ့ နိုင်ငံရေးအင်အားစုတွေ၊ အုပ်စုတွေ အသီးသီးရဲ့ အကျိုးစီးပွားတွေ၊ ထင်မြင်ချက်တွေကို တစိုက်မတ်မတ်နဲ့ လေးလေး နက်နက် ထည့်သွင်းစဉ်းစား ရတော့မယ့်ကာလဖြစ်တယ်။ အထူးသဖြင့် တိုင်းရင်းသား လူမျိုးစုတွေရဲ့ ကိစ္စကိုလည်း ထည့်သွင်းစဉ်းစားရမယ့်အချိန် လို့ သူကပြောခဲ့ပါတယ်။

ဒေါ်စုအနေနဲ့ သူ့ပါတီကနေ ခဏနားသင့်သလားဆိုတဲ့ အကြံပေးချက်တွေကတော့ တနိုင်ငံလုံးက လုံးဝဆန့်ကျင်ကြမှာပါ ပဲ။ ဒါပေမယ့် သူဖော်ပြခဲ့တာကတော့ အကယ်၍ အမျိုးသား ပြန်လည်သင့်မြတ်ရေးအတွက်၊ မြန်မာနိုင်ငံမှာ ဒီမိုကရေစီ ဖြစ် ထွန်းတိုးတက်စေရေးအတွက် လေးနက်စဉ်းစားဖွယ်ရှိတဲ့၊ အပြုသဘောဆောင်တဲ့ အကြံပြုချက်တွေရှိ လာရင်တော့ လေး လေးနက်နက် ထည့်သွင်းစဉ်းစားမယ်ဆိုတာ ဖော်ပြခဲ့ပါတယ်။ ဒေါ်စုမရှိရင် NLD ပါတီဆိုတာ အသက်မဲ့သွားမှာပါပဲ။ သူ့ ဘက်ကရော၊ ပါတီဘက်ကပါ အပြန်အလှန် လိုအပ်နေကြပါတယ်။

မေး။ ။ ၂၀၁၀ ရွေးကောက်ပွဲနဲ့ ပတ်သက်လို့ ဒေါ်စုရပ်တည်ချက်က ဘယ်လိုရှိမလဲ။

ဖြေ။ ။ အကယ်၍ NLD ပါတီရဲ့ ထုတ်ပြန်ကြေညာချက်က ဒေါ်အောင်ဆန်းစုကြည်ရဲ့ စဉ်းစားချက်ကို ထင်ဟပ်နေမယ်လို့ ယူဆရင်တော့ (ဒါပေမယ့် သူဘယ်လို စဉ်းစားနေတယ်ဆိုတာ ဘယ်သူမှ မသိပါဘူး) သူက စစ်အစိုးရရေးထားတဲ့ ဖွဲ့စည်းပုံကို သဘောတူမှာ မဟုတ်ပါဘူး။ ဒါပေမယ့်လည်း NLD ပါတီက ဖွဲ့စည်းပုံ ပြန်လည်သုံးသပ်ဖို့ တောင်းဆိုထားပါတယ်။ ဒါကပါတီရဲ့ ပျော့ပြောင်းညင်သာမှုကို ပြတာပါ။

မေး။ ။ စီးပွားရေး ဒဏ်ခတ်ပိတ်ဆို့မှုနဲ့ ပတ်သက်ရင် ဘယ်လိုသဘောထားနိုင်မလဲ။ အနောက်နိုင်ငံတွေက ချမှတ်ထားတဲ့ ပိတ်ဆို့ဒဏ်ခတ်ရေးမူတွေကို သူ့အနေနဲ့ အနည်းအကျဉ်း သြဇာသက်ရောက်နိုင်မယ် ထင်ပါသလား။

ဖြေ။ ။ ဒီမေးခွန်းအတွက် အဖြေကတော့ ဖေဖေါ်ဝါရီလက ထုတ်ပြန်ခဲ့တဲ့ NLD ပါတီရဲ့ အထူးထုတ်ပြန်ကြေညာချက်ကို ဖတ်ဖို့ လိုပါတယ်။ NLD က ပြောတာက ဒေါ်စုက ကြားခံဆက်သွယ်ရေးအရာရှိ ဦးအောင်ကြည်ကတဆင့် အချိန်မရွေး ပူးပေါင်းဆောင်ရွက်မယ်ဆိုတာ အာဏာပိုင်တွေကို ပြောထားတယ် ဆိုပါတယ်။ “ထိပ်တိုက်ရင်ဆိုင်ရေး။ အလုံးစုံပျက်သုဉ်း ရေး၊ စီးပွားရေးပိတ်ဆို့မှုနဲ့ ပိတ်ပင်မှု” တွေ ရှောင်လွှဲနိုင်ရေးအတွက် ပူးပေါင်းဆောင်ရွက်ပါမယ်လို့ ပြောထားပြီးသားပါ။ စစ် အစိုးရက ဒီအချက်တွေကို ဒေါ်စုကလုပ်တယ်ဆိုပြီး စွပ်စွဲထားပါတယ်။

“သို့ဖြစ်ပါ၍ ယင်းကိစ္စရပ်များကို အဆုံးအဖြတ်ပေး နိုင်ကြမည့် ပုဂ္ဂိုလ်ကြီးနှစ်ဦးတို့သည် လက်တွေ့ကျကျ မလွှဲမသွေ တွေ့ဆုံဆွေးနွေးကြပါရန် အမျိုးသားဒီမိုကရေစီအဖွဲ့ချုပ်က စိတ်စေတနာကောင်းမွန်စွာဖြင့် တိုက်တွန်းကြောင်း ထပ်မံ၍ အလေးအနက် ကြေညာလိုက်ပါသည်” လို့ ပါတီ ကြေညာချက်က ဆိုထားပါတယ်။

ဒေါ်စုနဲ့ အစိုးရရဲ့ ဆက်ဆံရေးဝန်ကြီး ဦးအောင်ကြည်ကလည်း သူတို့ တွေ့ဆုံဆွေးနွေးပွဲမှာ စီးပွားရေးဒဏ်ခတ်ပိတ်ဆို့မှု ကိစ္စတွေ ဆွေးနွေးခဲ့ကြပါတယ်။ ဒေါ်စုနဲ့ စစ်အစိုးရခေါင်းဆောင်များ စီးပွားရေး ဒဏ်ခတ်ပိတ်ဆို့မှုနဲ့ ပတ်သက်လို့ ပူးတွဲ ကြေညာချက်ထုတ်ဖို့ အကြံပေးတာလည်း ရှိပါတယ်။ ဒါပေမယ့် တချို့သူတွေပြောတာက ဗိုလ်ချုပ်မှူးကြီးသန်းရွှေက သဘောတူချင်မှ တူပါလိမ့်မယ်။

နှစ်ဘက်စလုံးမှာ သံသယနဲ့ မယုံကြည်တာတွေ အကြီးအကျယ် ရှိနေကြပါတယ်။ ဒါကြောင့် တချို့က ယုံကြည်မှု တည် ဆောက်ပေးတဲ့ အစီအစဉ်တွေ အဆင့်မြင့်ခေါင်းဆောင်ပိုင်းမှာ မနှေးအမြန် ပြန်လည်စတင်ဖို့ လိုအပ်တယ်လို့ ဆိုကြ ပါတယ်။ ဒါပေမယ့် ပွင့်ပွင့်လင်းလင်း ပြောရရင်တော့ ကျနော်တို့ကတော့ အကြံမပြုလိုပါဘူး။ ကုလသမဂ္ဂနဲ့ သူ့တို့ရဲ့ ဘာမှ မသိ နားမလည်တဲ့ အထူးသံကြီးက ခဏနေ ဒီလှည့်ကွက်ထဲ ခုန်ဆင်းပြီးတော့ “ယုံကြည်မှုတည်ဆောက်ရေး” စီမံချက်လုပ်ပြီး လှည့်ရောင်းစားနေပါဦးမယ်။

မေး။ ။ ဒေါ်စု မြန်မာနိုင်ငံက ထွက်သွားသင့်သလား။

ဖြေ။ ။ ဒီလိုဆိုရင် စစ်အစိုးရက သိပ်ပျော်ပါလိမ့်မယ်။ ဒေါ်စုကို လေယာဉ်လက်မှတ်တောင် ၀ယ်ပေးလိုက်ပါဦးမယ်။ ဒါပေမယ့် တလမ်းသွား၊ ပြန်လမ်းမရှိတဲ့ လက်မှတ်မျိုးပေါ့။

သူက နိုင်ငံတကာမှာတော့ အတော်ရေပန်းစား နာမည်ကြီးပါလိမ့်မယ်။ ဒါပေမယ့် သူက ဘုန်းတော်ကြီးဒလိုင်းလားမားလို မျိုးတော့ မဟုတ်ပါဘူး။

သူနာမည်ကြီးတာက ဘယ်လောက်ကြာကြာ ခံမှာလဲ။ စစ်အစိုးရကို အကောင်းပြောနေတဲ့သူတွေ၊ ထောက်ခံတဲ့သူတွေ၊ စစ်အစိုးရဘက်လိုက်ကြမယ့် အစိုးရတွေက ဒေါ်စုကို သေးသိမ်အောင် လုပ်ကြပါလိမ့်မယ်။ သူလုပ်ချင်တဲ့ကိစ္စတွေ မအောင် မြင်နိုင်အောင်လည်း ခြေထိုးဖျက်ဆီးကြပါလိမ့်မယ်။ အာရှတိုက်ကိုတောင် ပြန်လာဖို့ မဖြစ်နိုင်တဲ့ အခြေ အနေဖြစ်သွားနိုင်ပါ တယ်။ ဂျပန်ကိုတောင် လာဖို့ မဖြစ်နိုင်တာမျိုးလည်း ဖြစ်နိုင်ပါတယ်။ အနောက်နိုင်ငံတွေမှာတော့ သူသြဇာအရှိန်အ၀ါကြီး မှာ သေချာပါတယ်။

စစ်အစိုးရကို အကောင်းပြောနေသူတွေ၊ မူဝါဒချမှတ်သူတွေနဲ့ စစ်အစိုးရကို လိုလားတဲ့ တချို့ပညာရှင်တွေက ဒေါ်စုကိုယ်နှိုက်က ပြဿနာရဲ့ အစိတ်အပိုင်းတခုဖြစ်နေပြီလို့ ပြောနေကြပါတယ်။ ဒီလိုဝါဒဖြန့်ချိမှုတွေက အချိန်တခုမှာ ဖြစ်နေနိုင်ပါတယ်။ အဲသည်တော့ ချုပ်ပြောရရင် ဒေါ်စုက မြန်မာပြည်မှာပဲနေပြီး ပြည်တွင်းထဲကပဲ လုပ်သင့်ပါတယ်။

မေး။ ။ မြန်မာလူထုတွေအနေနဲ့ ဒေါ်စုကို ဒီအတိုင်း ဆက်လက်ထောက်ခံနေကြမှာလား။

ဖြေ။ ။ သူ့ဖခင် ဗိုလ်ချုပ်အောင်ဆန်းလိုပဲ ငြိမ်းချမ်းရေးနိုဘဲလ် ဆုရှင်က မြန်မာပြည်သူတွေအတွက် မျှော်လင့်ချက် ဖြစ်နေ မှာပါ။ သူ့ကို ဆက်ပြီးလေးစားနေကြပါလိမ့်မယ်။ အတိုက်အခံတွေနဲ့ ဒီမိုကရေစီ လှုပ်ရှားနေကြသူတွေက သူပြန်လွတ်လာ ရင် တဖန်ပြန်ပြီး အားတက်လာကြပါလိမ့်မယ်။ ဒါကြောင့်လည်း သူ့ကို စစ်အစိုးရက ကြောက် နေရတာပါ။ အကျယ် ချုပ်ဆက်ပြီး ချုပ်နှောင်ထားတာပါ။

မေး။ ။ ဒေါ်စုလွတ်လာရင် သူ ဘာတွေပြောမှာလဲ။

ဖြေ။ ။ တချို့လေ့လာသူတွေ ပြောနေတာက သူရော၊ စစ်အစိုးရခေါင်းဆောင်တွေမှာပါ မူဝါဒတွေမှာ လက်တွေ့ကျကျ ကြည့်သင့်တယ်လို့ ဆိုကြပါတယ်။ သူတို့ပြောတာက တွေ့ဆုံဆွေးနွေးရေး၊ ဒီမိုကရေစီ ဆိုတာတွေ တောင်းဆိုနေတာထက် စာရင်၊ စီးပွားရေးအကြောင်း ပြောသင့်တယ်၊ နိုင်ငံရဲ့ လူမှုကပ်ဘေး ဒုက္ခအကြပ်အတည်းတွေအကြောင်း ပြောသင့်တယ်၊ ဆင်းရဲ မွဲတေမှုအကြောင်း ပြောသင့်တယ် လို့ ဆိုကြပါတယ်။ နောက်ပြီး ဒေါ်စုအခု စီးပွားရေးဒဏ်ခတ် ပိတ်ဆို့မှုကို ဘယ်လို စဉ်းစား နေတယ်ဆိုတာတွေလည်း ပြောသင့်တယ်လို့ သူတို့က အကြံပြုကြပါတယ်။

သူက အခုတခါ စာမျက်နှာသစ်ကို တကယ်ပြောင်းဖို့ အသင့်ဖြစ်နေပြီဆိုတာ ပြဖို့ လိုပါတယ်။ သူက အပေးအယူလုပ်ဖို့ အသင့်ရှိနေတယ်ဆိုတာ အရင်လိုပဲ မပြောင်းလဲကြောင်း ဆက်လက်ပြဖို့ လိုပါတယ်။ သူက တကယ်လက်တွေ့ကျကျ ကျင့်သုံးနိုင်တဲ့ နိုင်ငံရေးသမားကောင်းတဦးဆိုတာ ပြသဖို့ လိုပါတယ်။

သူက NLD ပါတီနဲ့ တနိုင်ငံလုံးက ထောက်ခံသူတွေကို ပြန်လို့ သက်ဝင်တက်ကြွလာစေနိုင်ပါတယ်။ သူက ပထမဦးဆုံး ပါတီက “အန်ကယ်ကြီး” တွေနဲ့၊ ပါတီဝါရင့်ခေါင်းဆောင်တွေ၊ လူငယ်တွေနဲ့ အရင်မျက်နှာစုံညီ ထိုင်ဖို့ လိုပါတယ်။ ပါတီကို ဘယ်လိုပြုပြင် ပြောင်းလဲကြမလဲ၊ ဘယ်လိုအားသစ်လောင်းကြမလဲ၊ NLD ပါတီကို သက်ဝင်လှုပ်ရှားအောင် ဘယ်လိုလုပ် ကြမလဲ ဆွေးနွေးကြရပါလိမ့်မယ်။

သူက စစ်တပ်က အရာရှိ၊ အရာခံ၊ ရဲဘော်တွေကို စကားပြောတဲ့အခါ သတိထားဖို့ လိုပါတယ်။ တချို့အရာရှိတွေက စစ် အစိုးရကို စိတ်ကုန်နေကြပါပြီ။ အပြောင်းအလဲကို မြင်ချင်နေကြပါတယ်။ သူတို့က ဒေါ်စုအပေါ်မှာ အပြောင်းအလဲအတွက် မျှော်လင့်ထားကြပါတယ်။

ဒါပေမယ့် စစ်တပ်ထဲမှာ သူ့ကို နာမည်ဖျက် အပုပ်ချနေတာတွေ ရှိနေနိုင်တာကိုလည်း သတိထားရပါလိမ့်မယ်။ စစ်တပ်အရာရှိ အများစုက သူ့ကို အဆိုးမြင်ကောင်း မြင်နေနိုင်ပါတယ်။ သူတို့ကို နည်းပရိယာယ်အရ ထောက်ခံမှုရလာအောင် ပြန်ကြိုးစား ဖို့ လိုနေပါတယ်။

မေး။ ။ NLD ပါတီက မစ္စတာဘန်ကီမွန်း မြန်မာနိုင်ငံကို မကြာခင်လာလည်မယ့် ကိစ္စကို ကြိုဆိုထားပါတယ်။ ဒါပေမယ့် စစ်အစိုးရက ဒီအစီအစဉ်အပေါ် နှုတ်ဆိတ်နေပါတယ်။ ဘာကြောင့်လို့ ထင်ပါသလဲ။

ဖြေ။ ။ ဗိုလ်ချုပ်မှူးကြီးသန်းရွှေက ကုလသမဂ္ဂကို သိပ်နေရာမပေးချင်ပါဘူး။ ဒါပေမယ့် သူက ဒေါ်အောင်ဆန်းစုကြည် ကို မကြာခင်ပြန်လွှတ်ဖို့ စဉ်းစားကောင်း စဉ်းစားနိုင်ပါတယ်။ အကယ်၍ ကုလအကြီးအကဲကို မြန်မာနိုင်ငံထဲ လာခွင့်ပြု လိုက်ရင် မစ္စတာဘန်ကီမွန်းကိုယ်တိုင်က သူ့အိမ်စာ သူလုပ်ဖို့လိုပါတယ်။ ပြန်ထွက်သွားတဲ့အခါ သိသာထင်ရှားတဲ့ ရလဒ်တခုခု ကိုင်ပြီး ထွက်သွားတာမျိုး ဖြစ်အောင် ပြင်ဆင်ဖို့ လိုပါတယ်။ ဒါမှမဟုတ်ရင် သူကိုယ်တိုင်နဲ့ သူ့ခရီးစဉ်လည်း သိက္ခာကျစရာ၊ လူရယ်စရာ ဖြစ်ပါလိမ့်မယ်။

မေး။ ။ ဒေါ်စုအနေနဲ့ မြန်မာပြည် ပြင်ပက ဘယ်သူတွေကို အားကိုးနိုင်မလဲ။

ဖြေ။ ။ သူ့အနေနဲ့ တရုတ်နိုင်ငံ၊ အိန္ဒိယနိုင်ငံတွေနဲ့ ပတ်သက်လို့ လက်တွေ့ကျတဲ့ မူဝါဒတွေကို ထုတ်ဖော်ပြောဖို့ ပြင် ဆင်ထားသင့်ပါတယ်။ သူတို့က စစ်အစိုးရကို အဓိကပံ့ပိုးရပ်တည်ပေးနေသူတွေပါ။ ၀ါရှင်တန် (အမေရိကန်အစိုးရ) က တော့ အမြဲတမ်း သူ့နောက်က ရှိပါလိမ့်မယ်။ ဒါပေမယ့် တရုတ်နဲ့ အိန္ဒိယကို သူ့နောက်မှာ အပါခေါ်ဖို့ လိုအပ်ပါတယ်။ တရုတ်နိုင်ငံက လက်တွေ့ကျကျ ကျင့်သုံးတယ်ဆိုတာ၊ ဗိုလ်ချုပ်မှူးကြီးသန်းရွှေရဲ့ စစ်အစိုးရကို စိတ်ပျက်နေတယ် ဆိုတာကို သူက လျစ်လျူရှုမထားသင့်ပါဘူး။

ဒါကြောင့်မို့ ဒေါ်စုအနေနဲ့ မြန်မာနိုင်ငံရဲ့ အင်အားကြီးတဲ့ အိမ်နီးချင်းတွေ၊ အာဆီယံနိုင်ငံတွေကို ဖီလာဆန့်ကျင် မတိုက်သင့် ပါဘူး။ သူတို့က လက်တွေ့ကျကျချဉ်းကပ်သလို စီးပွားရေးအရ အကျိုးစီးပွားဖြစ်မှုအပေါ် မူတည်နေကြတာပါ။ အာဆီယံ အဖွဲ့ခေါင်းဆောင်တွေကတော့ ကြိုတင်ခန့်မှန်းရ ခက်ပါတယ်။ ဒါကြောင့်မို့ ဒေါ်စုက ပြောတဲ့စကားဟာ အနောက်နိုင်ငံတွေ ကို ပြောတဲ့စကားထက်စာရင်၊ သူတို့ကို ထိရောက်အောင် ပြောတာက ပိုအရေးကြီးပါတယ်။

သိထားသင့်တာက အာဆီယံခေါင်းဆောင်တချို့က စစ်အစိုးရကို မကြိုက်နှစ်သက်ကြသလို ဒေါ်စုကိုလည်း တခြား ရွေး ချယ်စရာ ခေါင်းဆောင်တဦးအနေနဲ့ မြင်လိုကြပါတယ်။ ဒါကြောင့် ဒေါ်စုက ဒီလိုဖြစ်နိုင်တယ်ဆိုတာ ပြဖို့ လိုပါတယ်။ သူက ဒီလို အသိအမှတ်ပြုထိုက်တဲ့ အင်အားတခုဆိုတာ ပေါ်လွင်လာအောင်လည်း ဆောင်ရွက်ဖို့ လိုနေပါတယ်။

အောင်ဇော်၏ Will Suu Kyi Be Soon Free? And What Then? ကို ဆီလျော်အောင် ပြန်ဆိုဖော်ပြပါသည်။
ဆက်လက်ဖတ်ရှုရန်...

ဗမာ့အရင်းရှင်စနစ်ဆိုတာ အခုမှစတာဖြစ်တယ်။

(ဧရာဝတီ)တပ်မတော်အရင်းရှင်စနစ် မြန်မာပြည်တွင် ကြီးထွားနေ
မြန်မာ့ တပ်မတော်သည် ၁၉၈၈ အာဏာ သိမ်းပြီးချိန်မှစ၍ မြန်မာပြည် စီးပွားရေး အထူးသဖြင့် အကြီးစား စက်မှုလုပ်ငန်း၊ တွင်းထွက်ပစ္စည်း တူးဖော်ရေး လုပ်ငန်း၊ ပို့ကုန် သွင်းကုန် လုပ်ငန်းများကို လက်ဝါးကြီးအုပ် လာသည်။

၁၉၈၈ ခုနှစ်တွင် ဆိုရှယ်လစ်အစိုးရ ပြုတ်ကျသွားခြင်းကြောင့် နိုင်ငံရေးတွင် ဦးဆောင်မှု ကဏ္ဍမှ ပါဝင်လိုသည့် တပ်မတော်သည် စီးပွားရေး လုပ်ငန်းများကို စတင်လုပ်ကိုင်နိုင်ခဲ့ကြောင်း တပ်မတော်ရေးရာ ကျွမ်းကျင်သူ မောင်အောင်မျိုးက သုံးသပ်ထားသည်။

စီးပွားရေးလုပ်ငန်းများ လုပ်ကိုင်ရခြင်း၏ အကြောင်းရင်း ၂ ရပ် ရှိသည်ဟု မောင်အောင်မျိုးက တပ်မတော်ကို တည်ဆောက်ခြင်း (Building the Tatmadaw) အမည်ရှိ စာအုပ်တွင် မှတ်ချက်ချ ရေးသားထားသည်။ ထိုအကြောင်းရင်း ၂ ရပ်မှာ မည်သူ့ကိုမျှ မှီခိုရခြင်း မရှိစေရန်၊ ခေတ်မီတပ်မတော် တည်ဆောက်ရေး အတွက် ဘဏ္ဍာငွေ ထောက်ပံ့နိုင်ရန်တို့ ဖြစ်သည်။

မြန်မာ့ တပ်မတော်က စီးပွားရေး အဖွဲ့ကြီး ၂ ခုကို တည်ထောင်ထားသည်။ ၁၉၈၉၊ ၁၉၉ဝ တို့တွင် စတင်ခဲ့သည့် မြန်မာ့ စီးပွားရေး ကော်ပိုရေးရှင်း နှင့် မြန်မာ့ စီးပွားရေး ဦးပိုင် လီမိတက် တို့ ဖြစ်သည်။

စိတ်ဝင်စားဖွယ် အချက် တခုမှာ ဦးပိုင် ဟု ထင်ရှားသည့် မြန်မာ့ စီးပွားရေး ဦးပိုင် လီမိတက်သည် တပ်မတော်သားများ၊ တပ်ရင်း တပ်ဖွဲ့များ၊ စစ်မှုထမ်းဟောင်းများ၊ စစ်မှုထမ်းဟောင်း အဖွဲ့များ ထံမှ ငွေကြေးများဖြင့် မ တည် ရင်းနှီးထားခြင်း ဖြစ်သည်။

မြန်မာ့ စီးပွားရေး ဦးပိုင် လီမိတက်ကို ယခင်က ရန်ကုန်တိုင်း စစ်ဌာနချုပ် တိုင်းမှူး ဒုတိယ ဗိုလ်ချုပ်ကြီး မျိုးညွန့်က ဦးဆောင်ခဲ့သည်။ ယခုအခါ ကာကွယ်ရေး စက်ပစ္စည်း ထုတ်လုပ်မှုရုံးမှ ဒုတိယ ဗိုလ်ချုပ်ကြီး တင်အေး က တာဝန်ယူထားသည်။

မြန်မာ့ စီးပွားရေး ဦးပိုင် လီမိတက်သည် အသေးစား နှင့် အလတ်စား စီးပွားရေး လုပ်ငန်းများအတွက် တပ်မတော်က ပထမဆုံး တည်ထောင်ခဲ့သည့် စီးပွားရေး အင်အားစု ဖြစ်သည်။

ဦးပိုင် လီမိတက်သည် စင်္ကာပူ၊ ဂျပန်၊ မလေးရှား၊ တရုတ်၊ တောင်ကိုရီးယား၊ အိန္ဒိယ နိုင်ငံတို့နှင့် ကုန်သွယ်မှုလုပ်ငန်းများ လုပ်ကိုင်လျက် ရှိသည်။ စားအုန်းဆီ၊ လောင်စာဆီ၊ မော်တော်ယာဉ်များကို ထိုနိုင်ငံများမှ တင်သွင်းသည်။ စီးကရက်၊ ပဲအမျိုးမျိုး၊ ကျောက်မျက်၊ အဝတ်အထည်များကို ထိုနိုင်ငံများသို့ တင်ပို့သည်။

၁၉၉ဝ နှင့် ၂ဝဝ၇ ခုနှစ်အတွင်း စီးပွားရေး လုပ်ငန်း ၇၇ ခုကို ဦးပိုင် လီမိတက်က တည်ထောင်နိုင်ခဲ့ကြောင်း မောင်အောင်မျိုး၏ စာအုပ်တွင် ဖော်ပြထားသည်။ အဆိုပါစာအုပ်ကို စင်္ကာပူ အခြေစိုက် အဖွဲ့တခုဖြစ်သော အရှေ့တောင် အာရှ လေ့လာရေး ဌာနက ထုတ်ဝေခြင်းဖြစ်သည်။

ဦးပိုင် လီမိတက်သည် ကျောက်မျက်ရတနာ ထုတ်လုပ်ရေး၊ အထည်ချုပ်၊ သစ် နှင့် သစ်အချောထည် ထုတ်လုပ်ရေး၊ စားသောက်ကုန်၊ ဘဏ်၊ ကုန်တိုက်၊ ဟိုတယ် နှင့် ခရီးသွားလာရေး၊ ပို့ဆောင်ရေး၊ ဆက်သွယ်ရေး နှင့် အီလက်ထရွန်နစ် ပစ္စည်းများ၊ ကွန်ပျူတာ၊ ဆောက်လုပ်ရေး၊ အိမ်ခြံမြေ၊ သံမဏိ၊ ဘိလပ်မြေ၊ မော်တော်ယာဉ်၊ အလှကုန်ပစ္စည်း၊ စာရေးကိရိယာ စသည့် လုပ်ငန်းများကို လုပ်ကိုင်လျက်ရှိသည်။

၂ဝဝ၆-၂ဝဝ၇ ဘဏ္ဍာရေးနှစ်တွင် ဦးပိုင် လီမိတက်က လုပ်ငန်း ၃၅ ခုကို ထူထောင်ခဲ့သည်။

လုပ်ငန်းပိတ်သိမ်းမှုမှာ ၁၉၉၉ ခုနှစ်မှ စတင်ပြီး ၆ ခု ရှိသည်။ ၎င်းတို့အနက် တခုမှာ မိုးကုတ်၊ မိုင်းရှူး၊ နမ်းယာ၊ မော်ချီး၊ သပိတ်ကျင်းဒေသများတွင် လုပ်ကိုင်သော မြန်မာ့ပတ္တမြားလုပ်ငန်း ဖြစ်သည်။

လုပ်ငန်း ရပ်ဆိုင်းရခြင်း၏ အကြောင်းရင်းတခုမှာ အနောက်နိုင်ငံများက ရင်းနှီးမြှုပ်နှံမှုများကို ပိတ်ဆို့ ဆန့်ကျင်ခြင်းကြောင့်ဖြစ်မည်ဟု မောင်အောင်မျိုးက ယူဆသည်။ အခြားဖြစ်နိုင်ခြေများမှာ မြန်မာပြည်၏ စီးပွားရေး မူဝါဒများ အားနည်းခြင်း၊ မြန်မာ့စီးပွားရေး အခြေအနေ တို့နှင့် ပတ်သက်သည့် ပြဿနာများဖြစ်သည်။

ကိုရီးယားမှ Segye ကော်ပိုရေးရှင်း၊ Daewoo ကော်ပိုရေးရှင်း၊ ကိုရီးယားအခြေစိုက် Pohon သံ နှင့် သံမဏိ ကုမ္ပဏီ၊ စင်္ကာပူမှ Rothmans Myanmar Holding Pte Ltd နှင့် Fraser & Neave အုပ်စု၊ ဂျပန်မှ Mitsugi ကော်ပိုရေးရှင်း၊ Nikko Shoji ကုမ္ပဏီ လီမိတက်တို့သည် မြန်မာ့ စီးပွားရေး ဦးပိုင် လီမိတက် နှင့် အကြီးအကျယ် ပူးတွဲလုပ်ကိုင်လျက်ရှိသည်။

မြန်မာ့ စီးပွားရေး ကော်ပိုရေးရှင်းသည် ကာကွယ်ရေးဝန်ကြီးဌာန၏လက်အောက်တွင် ရှိသည်။ မြန်မာ့တပ်မတော်၏ ကိုယ်ပိုင် စက်မှုလုပ်ငန်း၊ နည်းပညာလုပ်ငန်းများလုပ်ကိုင်နိုင်ရန် စီစဉ်ထားခြင်းဖြစ်သည်။ နိုင်ငံအနှံ့တွင် အကြီးစား စက်မှုလုပ်ငန်းပေါင်း အနည်းဆုံး ၂၁ ခုကို လုပ်ကိုင်နေသည်ဟု မောင်အောင်မျိုးက ဆိုသည်။

ထိုလုပ်ငန်းများအနက် ထိုင်းနိုင်ငံမှ ကုမ္ပဏီများနှင့် လုပ်ကိုင်နေသည့် သံလွင်မြစ်ပေါ်မှ တာဆန်း ရေအား လျှပ်စစ် လုပ်ငန်း စီမံကိန်းလည်း ပါဝင်သည်။

မြန်မာနိုင်ငံတွင် ၁၉၈၉ ခုနှစ်မှ စတင်၍ ဈေးကွက်စီးပွားရေးစနစ်ကို ကျင့်သုံးခဲ့သော်လည်း နိုင်ငံမှာ ဆင်းရဲကြပ်တည်းနေဆဲဖြစ်သည်။ သို့ရာတွင် စစ်ဗိုလ်ချုပ်များမှာ သဘာဝသယံဇာတများကို လက်ဝါးကြီးအုပ်ထားပြီး စစ်ယန္တရားကို တည်ဆောက်နေစဉ်မှာပင် ၎င်းတို့၏ ကိုယ်ပိုင် ဓနအင်အားသည်လည်း တိုးတက် ကြီးထွားလျက်ရှိသည်။
ဆက်လက်ဖတ်ရှုရန်...

ဒေါ်စုအကြောင်း တရုတ်ရုပ်သံက ထုတ်လွှင့်

တရုတ်နိုင်ငံ ယူနန်ပြည်နယ် ရုပ်မြင်သံကြား အစီအစဉ်က နေအိမ်အကျယ်ချုပ် ကျခံနေရသော မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်အကြောင်း ရှားရှားပါးပါး ထုတ်လွှင့်သွားသည်။

ကမ္ဘာ့ကုလသမဂ္ဂ၏ လုပ်ငန်းအဖွဲတဖွဲ့ဖြစ်သော ဂျနီဗာ အခြေစိုက် တရားမဲ့ဖမ်းဆီးထိန်းသိမ်းခြင်းဆိုင်ရာလုပ်ငန်း အဖွဲ့(WGAD) ၏ ဒေါ်အောင်ဆန်းစုကြည်အား အကျယ်ချုပ်ချထားခြင်းသည် မြန်မာပြည်တွင်း ဥပဒေများနှင့် ညီညွတ်ခြင်းမရှိကြောင်း မကြာသေးခင်က ကြေညာချက်အပေါ်အခြေခံ၍ အဆိုပါ ရုပ်မြင်သံကြား အစီအစဉ်က သတင်း ထုတ်ပြန်ခြင်းဖြစ်သည်ဟု တရုတ်-မြန်မာနယ်စပ် ဒေသခံများက ပြောသည်။

ထိုသတင်းကို ဒေါ်အောင်ဆန်းစုကြည်၏ ရုပ်ပုံများနှင့် တကွ ထုတ်ပြန်ခြင်းဖြစ်သည်။

မြန်မာ့အရေး လေ့လာသူများက တရုတ် သတင်းဌာနတခု၏ ယခုလုပ်ရပ်သည် မြန်မာအတိုက်အခံ ခေါင်းဆောင် တဦးကို တရုတ်အာဏာပိုင်များအနေနှင့် အသိအမှတ်ပြုသည့် လက္ခဏာတရပ်ကိုပြဆိုကြောင်း ပြောသည်။

အဆိုပါရက်များအတွင်း မြန်မာနိုင်ငံသို့ အမေရိကန် နိုင်ငံခြားရေးဝန်ကြီးဌာန အရှေ့တောင်အာရှရေးရာညွှန်ကြား ရေးမှူး မစ္စတာ စတီဖင် ဘလိတ် ရောက်ရှိနေပြီး စစ်အစိုးရအဖွဲ့ဝင်များနှင့် တွေ့ဆုံဆွေးနွေးမှုများပြုလုပ်ခဲ့ရာ တရုတ်အစိုးရဘက်မှ အမေရိကန်နှင့်မြန်မာအစိုးရ ဆက်ဆံရေးပိုမို ကောင်းမွန်လာမည်ကို စိုးရိမ်မှုရှိခြင်းကြောင့် ယခုကဲ့သို့ ရုပ်သံအစီအစဉ်မှ ပြသခြင်း ဖြစ်နိုင်သည်ဟု လေ့လာသူများက ပြောဆိုကြသည်။

မစ္စတာ စတီဖင် ဘလိတ်သည် ၎င်း၏ ၄ ရက်ကြာ မြန်မာနိုင်ငံခရီးစဉ်အတွင်း ဒေါ်အောင်ဆန်းစုကြည်ဦးဆောင် သော အမျိုးသားဒီမိုကရေစီအဖွဲ့ချုပ်(အန်အယ်လ်ဒီ) ထိပ်ပိုင်း ခေါင်းဆောင်များနှင့်လည်း တွေ့ဆုံဆွေးနွေးမှု များပြုလုပ်ခဲ့သေးသည်။

စစ်အစိုးရက ဒေါ်အောင်ဆန်းစုကြည်ကို မြန်မာနိုင်ငံ ၁၉၇၅ ခုနှစ် နိုင်ငံတော်လုံခြုံမှု ကာကွယ်ရေး ဥပဒေဖြင့် ထိန်းသိမ်းထား ခြင်းဖြစ်သည်။ ဤ ဥပဒေ ပြဌာန်းချက်အရဆိုလျင်နိုင်ငံတော် အချုပ်အခြာ အာဏာတည်မြဲရေး နှင့် လုံခြုံရေးကို ထိပါးနှောင့်ယှက်သူများ၊ ပြည်သူလူထု၏ ငြိမ်းချမ်းတည်ငြိမ်မှုကို နှောင့်ယှက်သူများကို ၅ နှစ် အထိ ထိန်းသိမ်း ထားနိုင်သည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည်မှာ ၅ နှစ် ကျော်ပြီ ဖြစ်ပြီး လာမည့် မေလ ၂၄ ရက် ဆိုလျင် ၆ နှစ်ပြည့်ဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ် ရှိပြီ ဖြစ်သည်။
ဆက်လက်ဖတ်ရှုရန်...

မေ့ပျောက်ခံရသော တော်လှန်ရေးနေ့



နှစ်စဉ်နှစ်တိုင်း နွေဦးကာလ မတ်လရောက်၍ ဥသြငှက်တို့ တွန်သံကြားပြီဆိုလျှင် သမိုင်းမော်ကွန်းဝင် နေ့တနေ့၏ ပုံရိပ်များက အနှေး ရုပ်ရှင်ပြကွက်များလို အစီအစဉ်လိုက် ပေါ်လာတော့၏။

စိတ်ဓာတ်တက်ကြွဖွယ်၊ အမျိုးသားရေးအားမာန် ပေါင်းစည်းမှု၏ ပြယုဂ်၊ ရန်သူကို အညံ့မခံ တွန်းလှန်ပြသော မြန်မာတို့စိတ်ဓာတ်၊ အနိုင်ကျင့်ဗိုလ်ကျ စိုးမိုးမှုကို လက်မခံလိုသော မြန်မာလူမျိုးတို့၏ စစ်ရေးစစ်ရာ သေနင်္ဂဗျူဟာကြွယ်ဝမှု၊ ပင်ကိုယ်သဘာဝ လူနေမှုအရ တဖက်သားကို သနားသည်းခံ တတ်သော်လည်း ဖိနှိပ်အုပ်ချုပ်မှုနှင့် အမျိုးသားထုတရပ်လုံးကို စော်ကားလာသည့် လုပ်ရပ်တို့အပေါ်တွင်တော့ ခေါင်းငုံ့မခံ ရဲရဲဝံ့ဝံ့နှင့် အားအင်ကြီးသူကို သတ္တိခွန်အား အရင်းခံစိတ်ဖြင့် တော်လှန်ပြခဲ့သော ကမ္ဘာကပင် အံ့သြချီးကျူးခဲ့ရသည့် မြန်မာ့သမိုင်းတွင် မော်ကွန်းကမ္ဗည်း ရေးထိုးခဲ့ရသော ထိုတနေ့၏ ဖြစ်စဉ်များက ဘယ်တော့မှ မရိုးနိုင်၊ မေ့မပစ်အပ်သော အဖြစ်များပင် ဖြစ်တော့သည်။

ထိုနေ့၏ ပုံရိပ်ပြကွက်များတွင် နွေဦး၏ အပူရှိန်ပျပျ၊ ရိုးတံပြိုင်းပြိုင်းတို့ဖြင့် ရော်ဝါရွက်တို့ ကြွေကျနေသည့် ပင်စည်ခြောက်ခြောက်များ၊ တွန်သံသာသာနှင့် ဥသြငှက်ငယ်များ၊ အနီရောင်ရင့်ရင့် လက်မောင်းပတ်စ၊ ကြယ်ဖြူတပွင့်၊ အဖြူရောင် ကြယ်ပွင့်ကြီးဖြင့် လေတွင် တလူလူလွင့်နေသော အလံတော်အနီ၊ မီးကျိုးမောင်းပျက် ရရာသေနတ်လက်နက်များနှင့် စနစ်တကျ ယူနီဖောင်းဝတ်မထားသည့် တော်လှန်ရေးရဲဘော်များ၏ အသက်စွန့်တိုက်ပွဲဝင်မည့် ရဲရင့်ပြတ်သားသော မျက်နှာပေးများ၊ အမျိုးသားခေါင်းဆောင်၏ ဦးဆောင် စစ်ဆင်မှုအောက်တွင် တညီတညာ ပူးပေါင်းပါဝင်ခဲ့ကြလေသော ဖက်ဆစ်ဂျပန်ကို တော်လှန်မည့် ဗမာ့ကာကွယ်ရေး တပ်မတော်သားတို့ တိုက်ပွဲခေါ်သံအတွက် စိတ်အားတက်ကြွနေပုံတို့မှာ ပြတ်ပြတ်ထင်ထင် မြင်လာရပါသည်။

ဤသည်တို့၏ ပေါင်းစည်းမှု အင်အားလှိုင်းသည် ပြည်ထောင်စု မြန်မာနိုင်ငံတော်ကြီးကို နင်းကန်ဖိစီး နှိပ်စက်နေသော ဖက်ဆစ်စနစ်ဆိုးကို အမြစ်ပါမကျန် အမိမြေပေါ်မှ တွန်းလှန်ဖယ်ထုတ်နိုင်ခဲ့သော သမိုင်းဝင် နေ့တနေ့ ဖြစ်လာမည့် “တော်လှန်ရေးနေ့” ၏ အစပင် ဖြစ်လေ၏။

လွန်ခဲ့သော ၁၉၄၅ ခု၏ မတ်လ ၂၇ ရက်တွင် သန္ဓေတည်ခဲ့သော အဆိုပါ သမိုင်းဝင်နေ့သည် ယနေ့ဆိုလျှင် သက်တမ်းကာလအားဖြင့် ၆၄ နှစ်ကို ဖြတ်သန်းခဲ့ပြီး ဖြစ်ပေမည်။ သို့သော် သမိုင်းကို ပုံဖျက်ကာ အမှန်ကို ဖုံးကွယ်လျက် ဇွတ်အတင်း နေရာဝင်ယူတတ်လေသူတို့ကြောင့် တကယ့်အနှစ်သာရ ပြည့်ဝသော နေ့တနေ့၏ ရာဇ၀င်ကား စွန်းထင်းခဲ့ရလေပြီ။

အမျိုးသားခေါင်းဆောင်ကြီး ဗိုလ်ချုပ်အောင်ဆန်း ဦးဆောင်သော ဖက်ဆစ်တော်လှန်ရေး တပ်သားများ ရန်ကုန်မြို့ တော်လှန်ရေးပန်းခြံတွင် စစ်ချီအခမ်းအနား စတင်ခဲ့ရာ၊ ဖက်ဆစ်စနစ်ဆိုးကို စတင်တော်လှန်ခဲ့ရာ မတ်လ ၂၇ ရက်ကို “တော်လှန်ရေးနေ့” အဖြစ် သတ်မှတ်၍ အခမ်းအနားများ ကျင်းပလာခဲ့သည်မှာ ၄၃ နှစ်ပြည့် ရောက်အပြီးတွင်တော့ “တပ်မတော်နေ့” ဟု အမည်ပြောင်းလဲခေါ်ကာ အခမ်းအနားများ ကျင်းပလာခဲ့သည်မှာ ယနေ့ကာလ၌ ၆၄ နှစ်ပြည့် “တော်လှန်ရေးနေ့” ဖြစ်ရမည့်အစား “တပ်မတော်နေ့” ဖြစ်နေလေတော့သည်။

ဟိုယခင်က ကျင်းပခဲ့သော “တော်လှန်ရေးနေ့” အစဉ်အလာနှင့် ယနေ့ ကျင်းပနေသော “တပ်မတော်နေ့” အစဉ်အလာတို့မှာ ဖြောင့်ဖြောင့်ကြီး ဆန့်ကျင်နေပေ၏။

ယနေ့ခေတ် လူငယ်တို့၏ အသိအမြင်တွင် တော်လှန်ရေး၏ အနှစ်သာရ၊ ဖက်ဆစ်စနစ်ဆိုး၏ ခါးသီးမှု၊ ဖိနှိပ်အုပ်ချုပ်မှုကို ငုံ့မခံ တော်လှန်တတ်ရမည်ဆိုသော အသိတို့ အားနည်းလာလေပြီ။ သက်ကြားအို အာဏာရှင်ကို ချီတက်အလေးပြုရာ နေ့တနေ့အဖြစ်သာ သိမြင်နေတော့သည်။ ပြည်သူ့အသည်းနှလုံးကို သိမ်းကြုံးမယူနိုင်ဘဲ ပြည်သူ၏ အမုန်းတရားကိုသာ တိုးလို့သာ ရလာနေသော အထိမ်းအမှတ် နေ့တနေ့အဖြစ်သာ မြင်လာတော့သည်။

ဤ “တပ်မတော်နေ့” ပွဲကိုလည်း မည်သူမှ အရေးတယူ စောင့်ကြည့်နေခြင်း မရှိတော့။

ဖက်ဆစ်တော်လှန်ရေးကို ကိုယ်တိုင် ပါဝင်ဆင်နွှဲခဲ့ဖူးလေသူတို့မှာလည်း သက်ရှိထင်ရှားရှိမှု တစထက်တစ လျော့နည်းလာနေပြီဖြစ်ရာ ဤသမိုင်းအမှန်ကို သိမီသူတို့က နောင်လာနောက်သားတို့ထံ လက်ဆင့်ကမ်း သယ်ဆောင်ပေးကာ အမှန်တရားကို ပြောပြနေကြရပေမည်။
ဆက်လက်ဖတ်ရှုရန်...

စမူဆာ တပ်မတော်


မြန်မာ့တပ်မတော်ထဲမှာ ရာထူးနေရာတွေ ဖောင်းပွနေပြီး တပ်မှူးကြီးအဆင့်အရာရှိတပ်ဖွဲ့ တောက်လျှောက်တိုးချဲ့နေပေမဲ့ ရာထူးတိုးဖို့ အခွင့်အလမ်းတွေ လုံလုံလောက်လောက် မဖန်တီးပေးနိုင်တော့ဘဲ ဖြစ်နေပါပြီ။ မြန်မာနိုင်ငံဟာ နအဖရဲ့ အဓိပ္ပါယ်ထူးခြားဆန်းပြားလှတဲ့ ဒီမိုကရေစီဆီကို တရွေ့ရွေ့သွားနေရင်း အရပ်ဖက်အစိုးရအဆောက်အအုံကြီးဟာလည်း ပိုလို့ပိုလို့ စစ်ဇာတ်သွင်းခံရမယ့် အလားအလာ ရှိနေပါတယ်။

မြန်မာစစ်တပ်က အာဏာသိမ်းပြီး နဝတကို မတည်ထောင်ခင် တရက်အလို ၁၉၈၈ ခု စက်တင်ဘာ ၁၇ ရက်မှာ တပ်မတော်တခုလုံး အတွင်းမှာ ဗိုလ်ချုပ်အဆင့်ထက်ကြီးတဲ့အရာရှိ နှစ်ယောက်ဘဲရှိပါတယ်။ သူတို့ကတော့ ကာကွယ်ရေး ဦးစီးချုပ် ဗိုလ်ချုပ်ကြီးစောမောင်နဲ့ ဒုကာကွယ်ရေးဦးစီးချုပ် ဒုဗိုလ်ချုပ်ကြီးသန်းရွှေ တို့ဖြစ်ပါတယ်။

အခုနောက်ပိုင်း အသုံးအနှုန်းအတိုင်းဆိုရင်တော့ အဲဒီရာထူးတွေကို တပ်မတော်ကာကွယ်ရေးဦးစီးချုပ် (တပ်ချုပ်) နဲ့ တပ်မတော်ကာ ကွယ်ရေးဦးစီးချုပ် (ကြည်း) (ကြည်းချုပ်) လို့ ပြောပါလိမ့်မယ်။ ဒီကနေ့ တပ်မတော်မှာတော့ လက်ရှိ ဒုဗိုလ်ချုပ်ကြီးနဲ့အထက်ဆင့် တာဝန်ထမ်းဆောင်နေဆဲ အထက်တန်းတပ်မှူးကြီး အနည်းဆုံး ၂၄ ယောက်ရှိနေပါပြီ။

အထက်တန်းတပ်မှူးကြီးရာထူး ၁၂၀၀ ရာခိုင်နှုန်း တိုးများလာတာဟာ ဒီကာလအတွင်းမှာဘဲ တပ်မတော်တခုလုံး အင်အား ၂၅၀ ရာခိုင် နှုန်း တိုးလာတာထက် အများကြီး ပိုလွန်နေပါတယ်။ အခုလို ထိပ်ပိုင်းအလွှာကို တိုးချဲ့တာဟာ ဗိုလ်ချုပ်မှူးကြီးသန်းရွှေအနေနဲ့ အာဏာ ကို ခိုင်ခိုင်မြဲမြဲချုပ်ကိုင်ထားနိုင်ဖို့အတွက် အခရာကျနေပါတယ်။

တပ်တွင်းမှာ ရာထူးတိုးမြင့်ရေးအခွင့်အလမ်းတွေ တိုးချဲ့ပေးထားခြင်းအားဖြင့် ဗိုလ်သန်းရွှေဟာ အရာရှိတပ်ဖွဲ့ကြီးရဲ့ သစ္စာစောင့်မှု ဆက်လက်ရရှိရေး သေချာအောင် အောင်မြင်စွာလုပ်ဆောင်ထားနိုင်ခဲ့ပါတယ်။ တပ်မှူးရာထူးတွေ တိုးချဲ့လိုက်ခြင်းအားဖြင့် ရာထူးတက်ဖို့ အခွင့်အလမ်းပိုများလာလို့ ဗိုလ်သန်းရွှေဟာ ကိုယ်ကျိုးစီးပွား ဆုလာဘ်လေး တဝင့်ဝင့်ပြပြီး စစ်ဗိုလ်တွေအနေနဲ့ စစ်အာဏာစနစ်ကြီးကို ဆက်လက်ထောက်ခံနေဖို့ ဆွဲဆောင်နိုင်ပါတော့တယ်။

တိုးချဲ့ပြန်လည်ဖွဲ့စည်းမှု

ရာထူးတိုးရေးအခွင့်အလမ်းတွေကို တိုးချဲ့တဲ့ ဗိုလ်သန်းရွှေရဲ့ကြိုးပမ်းချက်တွေကို ၂၀၀၁ ခု တပ်မတော်ပြန်လည် ဖွဲ့စည်းမှုက သက်သေ ပြနေပါတယ်။ အဲဒီတုံးက ကာကွယ်ရေးဝန်ကြီးဌာနရဲ့ စီမံကိန်းနဲ့ ကောင်းကောင်းအကျွမ်းတဝင်ရှိခဲ့တဲ့ အကြီးတန်းမြန်မာ့တပ်မတော် အရာရှိတယောက်ရဲ့ အဆိုအရ တပ်မတော်ကို အကြီးအကျယ်ပြင်ဆင်ဖွဲ့စည်းခဲ့တာဟာ အရာရှိတပ်ဖွဲ့ကြီးရဲ့ ရာထူးတိုးရေးအခွင့်အလမ်း တွေကို တိုးချဲ့ဖို့နဲ့ တိုင်းမှူးတွေရဲ့အာဏာကို လျှော့ချဖို့ဖြစ်ပါ တယ်။

၁၉၉၀ ခုနှစ်များအဆုံးပိုင်းမှာ တပ်မတော်တွင်း စိတ်ဓာတ်ကျဆင်းမှုတွေ အထူးတလည်ဖြစ်နေခဲ့ပါတယ်။ ၂၀၀၀ ပြည့်နှစ် တပ်မတော်နေ့ မှာ စစ်တပ်တွင်းလစာတွေကို ၅၀၀ ရာခိုင်နှုန်းတိုးပေးလိုက်တာဟာ အခြေအနေကို နည်းနည်းပါးပါး တိုးတက်စေခဲ့ပါတယ်။ ဒါပေမဲ့ လည်း ရှေ့တန်းထွက်အောက်ခြေအရာရှိတွေအတွင်းမှာ ရာထူးတိုးရေး အခွင့်အလမ်းနည်းပါးတာနဲ့ ပတ်သက်ပြီး မကျေနပ်ချက်တွေ အုံ့ပုန်းရှိနေဆဲ ဖြစ်ခဲ့တယ်လို့ ခုနကအရာရှိကပြောပါတယ်။

အဲသလိုဖြစ်ရတာဟာ တစိတ်တပိုင်းအားဖြင့် တိုင်းမှူးတွေက ရာထူးကို ကာလရှည်ကိုင်ထားတာတွေကြောင့် ဖြစ်ပါတယ်။ သူတို့ဟာ ဒီရာထူးနေရာတွေကို အသုံးပြုပြီး အာဏာကို ကြီးကြီးမားမားတည်ဆောက်ထားပါတယ်။ သူတို့ဟာ အနှစ်သာရအားဖြင့် စစ်ဘုရင်တွေ ဖြစ်နေပြီး တိုင်းရင်းသားသူပုန်အဖွဲ့တွေနဲ့ တိုက်နေရတဲ့ မြန်မာ့မြေပြင်တပ်ဖွဲ့တွေရဲ့ လက်နက်ခဲယမ်းနဲ့ လူအင်အား အားလုံးနီးပါးကို ထိန်းချုပ်ထားပါတယ်။ ဗိုလ်သန်းရွှေဟာ တိုင်းမှူး တယောက်ယောက်ကို ကိုင်ချင်ရင်လည်း ကျန်တဲ့တိုင်းမှူးတွေစုပြီး သူ့ကိုပြန်ပုန်ကန်မှာ စိုးလို့ မကိုင်ရဲဘူး ဖြစ်နေခဲ့ပါတယ်။

အဲဒီအချိန်တုံးက တိုင်းမှူးတွေဟာ နအဖကောင်စီဝင်တွေလည်း ဖြစ်နေခဲ့ပါတယ်။ ဒီလိုသတ်မှတ်ချက်ကြောင့် ဝန်ကြီးတွေထက် ပိုအဆင့် မြင့်နေခဲ့ပြီး ဝန်ကြီးဌာနတွေဟာ အမိန့်ညွှန်ကြားချက်တွေကို အကောင်အထည်ဖော်ဖို့ ခက်ခဲ့ပါတယ်။ တိုင်းမှူးတွေက ဘယ်အမိန့်ကို ဆောင်ရွက်မယ် ဘယ်အမိန့်ကို ခေါက်ထားမယ်ဆိုတာကို ဆုံးဖြတ်နိုင်ခဲ့ကြပါတယ်။ အဲဒီတော့ တိုင်းမှူးတွေကို စစ်ရုံးချုပ်မှာ တဆင့်မြင့် ရာထူးတွေ တိုးပေးခြင်းအားဖြင့် နယ်စားပယ်စားဘဝကနေဆွဲထုတ်ပြီး ပြဿနာကို ဖြေရှင်းခဲ့ရပါတယ်။ ပေါ်လစီအပြောင်းအလဲမှာ တိုင်းမှူးသစ်တွေဟာ နအဖကောင်စီဝင် မလုပ်ရတော့ပါဘူး။

တိုင်းမှူးသစ်တွေ သစ္စာရှိဖို့ ကျေးဇူးသိစေဖို့အတွက် ဗိုလ်သန်းရွှေဟာ တိုင်းမှူးရွေးရာမှာ တန်းစီဇယားထဲက တဆင့်နိမ့် စစ်ဗိုလ်တွေထဲက မရွေးဘဲ ၄-၅ ဆင့်နောက်ရောက်နေသူတွေထဲက ရွေးတင်ခဲ့ပါတယ်။ ဗိုလ်သန်းရွှေစဉ်းစားချက်က နောက်တဆင့်နိမ့်အရာရှိဟာ မိမိရဲ့ ဝါစဉ်အရ လုပ်သက်အရ ရာထူးတိုးခံရတာဖြစ်ပြီး ဝါနု လုပ်သက်နုအရာရှိတယောက် အချိန်မတိုင်ခင် ရာထူးတိုးခံရရင်တော့ ဆရာသမား (သန်းရွှေ) ဂုဏ်ကျေးဇူးကို တန်ဖိုးထား သစ္စာရှိလိမ့်မယ်ဆိုတဲ့ စဉ်းစားချက် ဖြစ်ပုံရပါတယ်။

ဒီစီမံချက်အရ တိုင်းမှူးတွေကို နေရာပေးနိုင်ဖို့ ဒုဗိုလ်ချုပ်ကြီးရာထူးတွေ အများကြီးတိုးချဲ့ဖို့လိုလာပါတယ်။ ဒုဗိုလ်ချုပ်ကြီးရာထူးတွေအ တွက် နည်းလမ်းနှစ်ခုနဲ့ လမ်းဖွင့်ခဲ့ရပါတယ်။ တခုက ၂၀၀၁ ပြင်ဆင်ဖွဲ့စည်းမှု မတိုင်ခင်လေးမှာ ဒုဗိုလ်ချုပ်ကြီးနှစ်ယောက်ကို အကျင့် ပျက်ခြစားမှုနဲ့ အနားပေးပစ်လိုက်တာ၊ နောက်တခုကတော့ စစ်တိုင်းတွေကို ဖြန့်ကိုင်ရတဲ့ ကာကွယ်ရေးဌာန စစ်ဆင်ရေးအထူးအဖွဲ့ (ကစထ) ကို ၄ ခုခွဲပစ်လိုက်တာဖြစ်ပါတယ်။

နောက်ထပ်နေရာတွေ ဖန်တီးပေးလိုက်တာကတော့ ကြည်း-ရေ-လေ ကွပ်ကဲညှိနှိုင်းရေးမှူး ရာထူးသစ်နဲ့ ကာကွယ်ရေးပစ္စည်းထုတ်လုပ် ရေး အရာရှိချုပ်ရုံး၊ လေကြောင်းရန်ကာကွယ်ရေးအရာရှိချုပ်ရုံးနဲ့ လေ့ကျင့်ရေးအရာရှိချုပ်ရုံးတွေ ဖြစ်ပါတယ်။ မြန်မာစစ်တပ်မှာ အရာရှိ ချုပ်ရုံးတွေကို ဒုဗိုလ်ချုပ်ကြီးက ကွပ်ကဲပြီး ညွှန်ကြားရေးမှူးရုံးတွေကိုတော့ ဗိုလ်ချုပ်အဆင့်က ကွပ်ကဲရပါတယ်။ တကယ်တော့ ကြယ်သုံး ပွင့်အဆင့်ဗိုလ်ချုပ် (ဒုဗိုလ်ချုပ်ကြီး) ကို နေရာပေးဖို့ အရာရှိချုပ်ရုံး ဖန်တီးတာကို အရင်ကတည်းက လုပ်ခဲ့ဖူးပါတယ်။

၁၉၉၃ သြဂုတ်လမှာ ယခင်ထောက်လှမ်းရေးအကြီးအကဲ ဗိုလ်ခင်ညွန့်ကို ဒုဗိုလ်ချုပ်ကြီးအဆင့် တင်တာနဲ့ ကိုက်ညီအောင် စစ်မဟာ ဗျူဟာလေ့လာရေးရုံး OSS ကို တည်ထောင်ခဲ့ပါတယ်။ တကယ်တော့ OSS ရဲ့ လုပ်ငန်းတာဝန်နဲ့ ဝန်ထမ်းတွေဟာ ဗိုလ်ခင်ညွန့်ရဲ့ တပ်မ တော်ထောက်လှမ်းရေးညွှန်ကြားရေးမှူးရုံး DDSI ဌာနချုပ်ဝန်ထမ်းတွေ လုပ်နေတာတွေနဲ့ ဘာမှသိတ်ကြီး မထူးခြားပါဘူး။

အပြင်လူတွေနဲ့ အနောက်နိုင်ငံက လေ့လာသူတွေဟာ OSS တည်ထောင်တာကို အလွန်အကျွံ အလေးပေး အထင်ကြီးနေခဲ့ကြတယ်လို့ ထောက်လှမ်းရေးအရာရှိဟောင်းတယောက်က အင်တာဗျူးတခုမှာ ပြောခဲ့ပါတယ်။ တကယ့် အနှစ်သာရကတော့ OSS ဆိုတာ ဗိုလ် ခင်ညွန့်ကို နောက်ထပ်ကြယ်တပွင့်တိုးပေးလိုက်တာနဲ့ ကိုက်ညီအောင် စာရွက်ပေါ်မှာ ကလဖန်ထိုးလိုက်တာဘဲ ဖြစ်ပါတယ်။

ရာထူးအဆင့်ဖောင်းပွမှု

၂၀၀၁ နိုဝင်ဘာ ပြင်ဆင်ဖွဲ့စည်းမှုဟာ နောက်ပိုင်းမှာ တပ်မတော်ထိပ်ပိုင်း တပ်မှူးအုပ်ကြီးကို တိုးချဲ့ဖို့ အကြောင်းအချက်တခုသာ ဖြစ်ပါ တယ်။ ရာထူးအဆင့်သစ်တွေ တီထွင်တာ၊ ရာထူးနေရာသစ်တွေ ဖော်ထုတ်တာနဲ့ အစိုးရဝန်ထမ်းလောကထဲ စစ်ဘက်က ထိုးဖောက်ဝင် တာတွေက ရာထူးအဆင့်ဖောင်းပွမှုနဲ့ ထိပ်ပိုင်းတပ်မှူးအုပ်ကြီးထွားမှုကို အားပေးမီးထိုးပေးခဲ့ပါတယ်။

ထိပ်ပိုင်းတပ်မှူးအုပ် တိုးချဲ့ဖို့လမ်းစကို နဝတ အာဏာသိမ်းပြီး ၁၈ လအကြာ ၁၉၉၀ မတ်လမှာ စတင်ခဲ့ပါတယ်။ အဲဒီတုံးက ဗိုလ်ချုပ် တွေနဲ့ ဗိုလ်မှူးကြီးတချို့ကို အစုလိုက်အပြုံလိုက် ရာထူးတိုးပေးခဲ့ပါတယ်။ စမူဆာပုံ စစ်မိန့်ပေး ဦးစီးကွပ်ကဲမှု အဆောက်အအုံကို ပုံစံပီဖို့ အတွက် ဗိုလ်သန်းရွှေအရင်လူ ဗိုလ်စောမောင်ဟာ ဗိုလ်ချုပ်မှူးကြီးရာထူး အသစ်ထွင်ပြီး ကိုယ့်ကိုယ်ကို ရာထူးတိုးခဲ့ပါတယ်။

၂၀၀၂ စက်တင်ဘာလမှာ စစ်အစိုးရရဲ့ နံပတ် ၂ ဗိုလ်မောင်အေးကို ဒုဗိုလ်ချုပ်မှူးကြီးအဆင့် (ကြယ် ၄ ပွင့်ခွဲ) ကို တိုးပေးခြင်းအားဖြင့် ရာထူးသစ်တီထွင်မှု ထပ်လုပ်ခဲ့ပါတယ်။ ဒီရာထူးသစ်ကြောင့် ဦးအေးဟာ ပြိုင်ဖက် ဗိုလ်ခင်ညွန့် စတုတ္ထမြောက်ကြယ် ထပ်တပ်ချိန်မှာ လည်း ရာထူးအဆင့်သာလွန်မှုကို ဆက်ထိန်းထားနိုင်ခဲ့ပါတယ်။

ဦးခင်ညွန့် ဗိုလ်ချုပ်ကြီးရာထူးတိုးဖို့ဟာလည်း စောစောပိုင်းက ရာထူးတိုးခဲ့သလိုမျိုး စာရွက်ပေါ်မှာ ကလဖန်ထိုးဖို့ လိုခဲ့ပါတယ်။ ကြယ် ၄ ပွင့်အဆင့်နဲ့ကိုက်အောင် ဦးခင်ညွန့်ဟာ ဗိုလ်ချုပ်မှူးကြီးရဲ့ စစ်ဖက်အကြံပေးအဖြစ် သတ်မှတ်ခဲ့ရပါတယ်။ နောက်ပိုင်းမှာ ဝန်ကြီးချုပ် ခန့်အပ်ခံရတော့ ရာထူးအဆင့်နဲ့ ပိုကိုက်ညီသွားပါတယ်။ သိတဲ့အတိုင်း ၂၀၀၄ မှာ ဗိုလ်ခင်ညွန့် ဖြုတ်ထုတ်အုပ်ခံရပြီး အခုထိ အကျယ် ချုပ် ချခံနေရပါတယ်။

ဗိုလ်ခင်ညွန့်ကို ရာထူးတိုးပေးတာတွေဟာ စက္ကူပေါ်မှာ အကြံအဖန်လုပ်တာ ဖြစ်ကောင်းဖြစ်နိုင်ပေမဲ့ ထိပ်ပိုင်းတပ်မှူး အုပ်ကြီးကို တိုးချဲ့ နိုင်ဖို့ စစ်ဆင်ရေးရာထူးနေရာသစ်တွေလည်း ဖန်တီးပေးခဲ့ရပါတယ်။ ၂၀၀၁ နိုဝင်ဘာ ပြန်လည်ဖွဲ့စည်းမှုက လမ်းပြခဲ့ပြီးနောက်မှာ နောက်ထပ် ကစထ နှစ်ခု ထပ်တည်ထောင်ခဲ့ပါတယ်။ ကစထ-၅ က ရန်ကုန်တိုင်းကို ကိုင်ပြီး ကစထ-၆ က ရခိုင်ပြည်နဲ့ မကွေးတိုင်းကို တာဝန်ယူရပါတယ်။

အခုနောက်ဆုံးတီထွင်လိုက်တဲ့ ဒုဗိုလ်ချုပ်ကြီးရာထူးကတော့ တပ်မတော်စစ်ဆေးရေးအရာရှိချုပ်ဖြစ်ပါတယ်။ ကစထ တွေ တည်ထောင် တာဟာ စစ်ဆင်ရေးအတွက် တစုံတရာအသုံးဝင်မှုရှိနိုင်ပေမဲ့ အခုနောက်ဆုံးထွင်လိုက်တဲ့ ရာထူးကတော့ နောက်ထပ်ဗျူရိုကရေစီအလွှာ တခု ထပ်ပိုးလိုက်တာထက် ဘာမှသိတ်ထူးပုံမရပါဘူး။

ဒုဗိုလ်ချုပ်ကြီးအဆင့်အောက် စစ်ဗျူရိုကရေစီယန္တရားကြီးဟာလည်း ကြီးထွားလာခဲ့ပါတယ်။ စစ်တိုင်းအသစ်တွေ ဖန်တီးတာ၊ စစ်ဆင် ရေးကွပ်ကဲမှုဌာနချုပ် (စကခ) ဒေသကွပ်ကဲမှုစစ်ဌာနချုပ် (ဒကစ) တွေ တိုးများလာတာ၊ တပ်မအဆင့် အမြောက်ကြီးစခန်းဌာနချုပ် နဲ့ သံချပ်ကာတပ်ကွပ်ကဲမှုစခန်းဌာနချုပ်တွေ ဖွင့်လှစ်လိုက်တာတို့ဟာ ထိပ်ပိုင်းတပ်မှူး အရာရှိတပ်ဖွဲ့ ကြီးထွားလာစေဖို့ အများကြီး အားပေး ခဲ့ပါတယ်။

ဖောင်းကားနေတဲ့ အစိုးရဝန်ထမ်း

စစ်ဗျူရိုကရေစီယန္တရားကြီးကို စစ်အစိုးရက ချဲ့ထွင်တာနဲ့ တပြိုင်တည်းမှာ အစိုးရ အရပ်ဖက်ဗျူရိုကရေစီယန္တရားကြီးကိုလည်း တောက် လျှောက် တိုးချဲ့နေပါတယ်။ ၁၉၈၈ ခု နဝတ အာဏာယူပြီး သိတ်မကြာခင်တုံးက အစိုးရအဖွဲ့မှာ ဝန်ကြီးချုပ်ရုံးနဲ့ ဝန်ကြီး ၉ ယောက် ခေါင်းဆောင်တဲ့ ဝန်ကြီးဌာန ၁၈ ခု ရှိခဲ့ပါတယ်။ ဝန်ကြီး ၉ ယောက်မှာ ၈ ယောက်ဟာ ကာကွယ်ရေးဝန်ကြီးဌာနအောက်မှာ ရာထူးနေရာ တွေ ထမ်းဆောင်နေတဲ့ စစ်ဗိုလ်တွေ ဖြစ်ပါတယ်။

အဲဒီကတည်းကစလို့ ဗိုလ်သန်းရွှေဟာ သူ့စနစ်ကို ထောက်ခံအားပေးတဲ့သူခိုးဝန်ထမ်းကြီးတွေကို ဆုချဖို့ အခွင့်အလမ်းတွေ တိုးချဲ့တဲ့ အနေနဲ့ အရပ်ဖက်အုပ်ချုပ်ရေးဗျူရိုကရေစီယန္တရားကြီးကိုလည်း တိုးချဲ့လာခဲ့ပါတယ်။ ဒီကနေ့ မှာတော့ ဝန်ကြီးချုပ်ရုံးအပြင် ဝန်ကြီးဌာန ၃၂ ခု၊ ဝန်ကြီး ၃၂ ပါးရှိနေပါတယ်။ ဒီထဲမှာ ၇ ယောက်ဘဲ "အရပ်သား" ဖြစ်ပြီး အများစုက ဗိုလ်ချုပ်ဟောင်းတချို့အပါအဝင် စစ်မှုထမ်း ဟောင်းတွေဖြစ်ပါတယ်။

အထက်တန်းစစ်အရာရှိကြီးတွေနဲ့ ရင်းရင်းနှီးနှီးဆက်သွယ်မှုတွေရှိတဲ့ မြန်မာသတင်းရင်းမြစ်တခု အဆိုအရ ၂၀၀၄ ခုနှစ်က အထက်တန်း အရာရှိကြီးတွေရဲ့ အစည်းအဝေးတခုမှာ လူအင်အားကိစ္စတွေအကြောင်း ဆွေးနွေးတဲ့အခါ ဗိုလ်သန်းရွှေက ရာထူးတိုးရေးအခွင့်အလမ်း တွေ နောက်ထပ်ဖန်တီးပေးနိုင်ဖို့အတွက် ဝန်ကြီးတယောက်ထဲက ဝန်ကြီးဌာန အများအပြားကိုင်တဲ့ လုပ်ရပ်ကို ဆက်မလုပ်ဖို့ ညွှန်ကြား ခဲ့ပါတယ်။

အရင်နှစ်ဇွန်လမှာ ဗိုလ်ချုပ်မောင်မောင်ဆွေက လူဝင်မှုကြီးကြပ်ရေးနဲ့ပြည်သူ့အင်အားဝန်ကြီးဌာနကို လက်လွှတ်လိုက်တဲ့အတွက် ခုန ပြောတဲ့လုပ်ရပ် နိဂုံးချုပ်သွားခဲ့ပါတယ်။ ဦးအောင်ကြည်ကတော့ အလုပ်သမားဝန်ကြီးလည်းဖြစ်၊ ဆက်ဆံရေးဝန်ကြီးလည်း ဖြစ်နေပေမဲ့ ဆက်ဆံရေးဝန်ကြီးဆိုတာ တကယ့်ရုံးဌာန ဆုပ်ဆုပ်ကိုင်ကိုင်မရှိဘဲ ဆိုင်းဘုတ်သက်သက်ဘဲ ဖြစ်ပါတယ်။

ဝန်ကြီးဌာနသစ်တွေ ဖန်တီးလိုက်တာဟာ စစ်ဘက်ဝန်ထမ်းတွေ ရာထူးတိုးဖို့လမ်းကြောင်း ပိုကျယ်သွားစေခဲ့ပေမဲ့ တိုင်းပြည်မှာတော့ ပိုဖောင်းပွ ပိုအရည်အချင်းမဲ့တဲ့ ဗျူရိုကရေစီယန္တရားကြီးက ဖိစီးနှိပ်စက်မယ့်အန္တရာယ် ကျနေပါတယ်။ လာမယ့် ၂၀၁၀ ရွေးကောက်ပွဲက မျှော်မှန်းထားသလို ဒီမိုကရေစီနည်းကျ ရွေးကောက်ခံအစိုးရဆီ တနေ့နေ့မှာ အာဏာလွှဲပြောင်းသွားတဲ့အခါ အဲဒီအစိုးရဟာ စစ်တပ် အုပ်စိုးမှုအောက်မှာ ဖြစ်ထွန်းလာခဲ့တဲ့ ကမောက်ကမ ဗယုတ်သုက္ခအစိုးရအဆောက်အအုံကြီးကြောင့် အုပ်ချုပ်ရေးစွမ်းရည် ချို့ယွင်း ပျက်ပြားနေဖို့ အလားအလာများပါတယ်။

ဒါ့အပြင် အရပ်ဖက်ဗျူရိုကရေစီယန္တရားထဲကို စစ်ဘက်ပုဂ္ဂိုလ်တွေ စိမ့်ဝင်ထိုးဖောက်နေမှုဟာ ပမာဏအရရော၊ အတိုင်းအတာအရရော ပိုများလာစရာရှိပါတယ်။ ၂၀၀၆ တုံးက ဗိုလ်မှူးချုပ် ၄ ယောက်ကို ဝန်ထမ်းရွေးချယ်လေ့ကျင့်ရေးဘုတ်အဖွဲ့မှာ ခန့်အပ်လိုက်တာဟာ အရပ်ဖက်အစိုးရဝန်ထမ်းနယ်ပယ်ထဲ စစ်ဖက်က ပိုပြီးပါဝင်ပတ်သက်မယ့် အလားအလာရဲ့ ရှေ့ပြေးဖြစ်ပါတယ်။

မကြာသေးခင်က အင်တာနက်သတင်းတပုဒ်အရ သင်တန်းသားဦးရေများလာတဲ့အတွက် နိုင်ငံတော်ကာကွယ်ရေး တက္ကသိုလ် NDC ကျောင်းဆင်းတွေဟာ စစ်တိုင်း သို့မဟုတ် တပ်မရာထူးတွေ သေချာပေါက်ရမယ်လို့ တွက်မထားဖို့ သင်တန်းဆရာတယောက်က သင်တန်းသားတွေကို သတိပေးတယ်လို့ ဆိုပါတယ်။ အဲဒီ အဆင့်မြင့်တပ်ရာထူးတွေအစား ကာကွယ်ရေးဝန်ကြီးဌာန အပြင်ဖက်က ဝန်ကြီးဌာနတွေမှာဘဲ ညွှန်ချုပ်ရာထူးတွေ ယူရနိုင်ပါလိမ့်မယ်တဲ့။

အက်ကွဲနေတဲ့စမူဆာ

ဗိုလ်သန်းရွှေ မြန်မာ့တပ်မတော်ကို ကိုင်တွယ်နေပုံဟာ တချို့ပုံစံတွေအရ စံနမူနာပြ ပိရမစ် စမူဆာပုံ (ဝါ) ပွန်ဇီ စီးပွားရေးကစားကွက် Ponzi ပုံ ပေါက်နေပါတယ်။ [ပွန်ဇီ ဆိုတာ လွန်ခဲ့တဲ့ ၄-၅ နှစ်က မြန်မာပြည်မှာ ခေတ်စားပြီး အကြီးအကျယ်နာမည်ပျက်သွားခဲ့တဲ့ ဖိုးတွမ်တီး "အကျိုးဆောင်ကုမ္ပဏီ" တွေ လုပ်စားပုံကို ပြောတာဖြစ်ပါတယ်။]

ပွန်ဇီ (ပိရမစ်) ကစားကွက်မှာ အစောပိုင်းရင်းနှီးမြှုပ်နှံသူတွေကို နောက်ကျဝင်လာတဲ့ ရင်းနှီးမြှုပ်နှံသူတွေရဲ့ ထည့်ဝင် ရှယ်ယာတွေနဲ့ အမြတ်ဝေစုပေးတာ လုပ်ပါတယ်။ ဒီပိရမစ် ကြီးထွားကျယ်ပြန့်နေသရွေ့ ရှေ့လူတွေကို နောက်လူတွေ ဆီကရတာနဲ့ အကျိုးအမြတ် ပေးနေတော့ အားလုံးအကျိုးရှိနေပါတယ်။ ပိရမစ်ကြီးထွားမှု ရပ်ဆိုင်းသွားတဲ့အခါမှာတော့ အစောပိုင်း ငွေရင်းထည့်ထားသူတွေအနေနဲ့ ဧရာမအမြတ်ကြီးတွေ ရထားပြီးဖြစ်သလို နောက်ဝင်သူတွေကတော့ နည်းနည်းလောက်ဘဲ မြတ်လိုက်တာ သို့မဟုတ် လုံးဝမရလိုက်တာ ဖြစ်ကုန်ပါတယ်။

လက်ရှိစစ်အစိုးရခေါင်းဆောင်ပိုင်းဟာလည်း စစ်အာဏာရှင်စနစ်ကြီးထဲမှာ မိမိတို့သစ္စာရှိမှုကို အစောဆုံး ရင်းနှီးမြှုပ်နှံခဲ့လို့ အဆီတဝင်း ဝင်း ရာထူးနေရာတွေ အခွင့်ထူးတွေ ဆုချခံထားရပါတယ်။ မကြာသေးခင်က NDC ကျောင်းဆင်းတွေ တွေ့လိုက်ရသလို ပိရမစ်ထိပ်လွှာ တွေမှာ ကျပ်ညပ်ပြွတ်သိပ်လာတဲ့အခါ အမြတ်ဝေစုတွေက သေးလိုက်လာပါတော့တယ်။

စစ်အာဏာရှင်စနစ်ကြီးရဲ့ ပွန်ဇီစီးပွားရေးကွက် သဘာဝကြောင့် တပ်မတော်ကို တိုးချဲ့ဖို့ဖိအား အမြဲဖြစ်နေပါတယ်။ တချို့တပ်ဖွဲ့တွေမှာ စစ်သားတယောက်ဟာ လူသစ် ၂ ယောက် စုဆောင်းမပေးနိုင်ရင် တပ်ထွက်ခွင့်မရပါဘူး။ ဒီလိုဖိအားကြောင့် လမ်းသွားလမ်းလာတွေ ကလေးစစ်သားတွေကို အဓမ္မစစ်သားဆွဲတဲ့ အောက်တန်းကျအလေ့အထတွေ များပြားလာစေပါတယ်။ ဒီပြဿနာတွေကို ကိုင်တွယ်ဖို့ ဒါမှမဟုတ် စစ်သားစုဆောင်းရေးရည်မှန်းချက်ပန်းတိုင်တွေ ဖြည့်ဆီးဖို့ ၂၀၀၇ ခုမှာ တပ်မတော်စစ်သားစုဆောင်းရေးညွှန်ကြားရေးမှူးရုံး အသစ် တိုးချဲ့ခဲ့ပါတယ်။

စစ်အုပ်စုဟာ ကိုယ့်ဖာသာကိုယ် အဓိပ္ပာယ်ဖွင့်ထားတဲ့ ဒီမိုကရေစီပန်းတိုင်ဆီ တိုင်းပြည်ကိုမောင်းနေရာမှာ စစ်ဗိုလ်တွေအတွက် ရာထူး တိုးရေးအခွင့်အလမ်းတွေ ပိုရလာစေဖို့ စစ်တပ်အဆောက်အအုံနဲ့ အစိုးရအဆောက်အအုံကို နောက်ထပ်ပြင်ဆင်ပြောင်းလဲ အကွက်ချ ကစားတာတွေ လုပ်ဖို့များပါတယ်။ ရာထူးနေရာတွေ ပိုများများဖန်တီးဖို့ အရင်ကကျင့်သုံးခဲ့တဲ့ နည်းနာတွေကိုလည်း ထပ်လုပ်နိုင်ပါတယ်။ လက်ရှိကစထတွေထဲက တော်တော်များများကို စိတ်ပိုင်းပြီး နောက်ထပ် ကြယ် ၃ ပွင့်ရာထူးနေရာ (ဒုဗိုလ်ချုပ်ကြီး)တွေ ဖော်ပေးနိုင်ပါ တယ်။

မကွေးတိုင်း၊ ကရင်နီပြည် ဒါမှမဟုတ် ကရင်ပြည်တို့မှာ စစ်တိုင်းအသစ်တွေ ထပ်ပေါ်နိုင်ပါတယ်။ အဲဒီနည်းနဲ့ ကြယ် ၂ ပွင့် နဲ့ ကြယ် ၁ ပွင့် ရာထူးနေရာတွေ တိုးချဲ့နိုင်ပါတယ်။ နောက်ဆုံးအားဖြင့် ကစထမှူးတွေက ဗိုလ်ချုပ်ကြီးအဆင့် တက်လာပြီး တိုင်းမှူးတွေက ဒုဗိုလ် ချုပ်ကြီးအဆင့် တက်လာတာအထိ ရာထူးဖောင်းပွမှု ဖြစ်လာနိုင်ပါတယ်။

ဒီမိုကရေစီနာမည်ခံရင်း စစ်တပ်ဆက်လက်ကြီးစိုးမှုအောက်မှာ အရပ်ဖက်အုပ်ချုပ်ရေးအစိုးရအဆောက်အအုံထဲ စစ်ဗိုလ်တွေ နောက်ထပ် စိမ့်ဝင်ပျံ့နှံ့လာပြီး ဗျူရိုကရေစီယန္တရားသစ်ပင်ကြီးမှာလည်း အကိုင်းအခက်သစ်တွေ ဖန်တီးခြင်းအားဖြင့် မြန်မာနိုင်ငံမှာ စွမ်းဆောင်ရည် နိမ့်ကျတဲ့ အစိုးရအုပ်ချုပ်ရေးအဆောက်အအုံက ဖိစီးနှိပ်စက်မယ့်အန္တရာယ် ကျရောက်နေပါတယ်။ ဒီလိုဖောင်းကားပွယောင်းနေတဲ့ စစ် စနစ်ကြီးကို အသက်ဆက်ဖို့ ဘယ်ကရင်းမြစ်တွေရမှာလဲ ဆိုတာကတော့ မြန်မာပြည်ရဲ့ နိုင်ငံရေးအနာဂတ်အတွက် နောက်ထပ်အရေးပါ တဲ့ မေးခွန်းဖြစ်ပါလိမ့်မယ်။

အရှေ့တောင်အာရှရေးရာ အထူးပြု အလွတ်သတင်းထောက် နော်မန်ရိုးဘက်စပီးယဲ (အမည်ရင်းမဟုတ်) ၏ မတ်လ ၁၂ ရက် အေးရှားတိုင်းမ် အင်တာနက်ဂျာနယ်ပါ ဆောင်းပါးကို ဂါမဏိ ဘာသာပြန်သည်။
ဆက်လက်ဖတ်ရှုရန်...

27 March 2009

ဗိုလ်အောင်ကျော်(၁၉၁၅-၁၉၃၈)


ကိုအောင်ကျော်ကို ၁၉၁၅ ခုနှစ်၊ ဒီဇင်ဘာလ (၂၇) ရက်နေ့ မှာ အဖ ဦးကျော်ထင် နှင့် အမိ ဒေါ်ရွှေကျော့ တို့မှ အင်္ဂပူ မြို့နယ်၊ ရုံးဇင်ရွာတွင် ဖွားမြင်ခဲ့ပါတယ်။ အလယ်တန်း ပညာကို မယ်ဇလီကုန်း အမျိုးသားကျောင်းမှ အောင်မြင်ခဲ့ပြီး၊ အထက်တန်းကို ဟင်္သာတမြို့၌ သင်ကြားတတ်မြောက်ခဲ့ပါတယ်။ ထို့နောက် ဂျပ်ဆင်ကောလိပ် တွင် ဥပစာတန်း ဆက်လက် တက်ရောက် ခဲ့ပြန်ပါတယ်။

ကိုအောင်ကျော်ဟာ မြန်မာစာပေကို အလွန်တန်ဖိုးထားပြီး၊ မြန်မာစာ အရေးအသားလည်း အလွန်ကောင်းမွန်တယ် လို့်လူသိများခဲ့သူပါ။ စိတ်နေဓါတ်ခံ ပြင်းထန်ပြီး၊ အမျိုးသားရေးလည်း သူမတူအောင် နိုးကြားသူဖြစ်လို့ မိမိရဲ့ စာပေအစွမ်း နှင့် အမျိုးသားရေးလှုံ့ဆော်မှုတွေမှာ ရှေ့တန်းကပါဝင်ခဲ့လို့် တက္ကသိုလ် ကျောင်းသားသမ္မဂ္ဂတွင် သာမက၊ ဗမာနိုင်ငံလုံးဆိုင်ရာ ကျောင်းသား သမ္မဂ္ဂတွင်၌ပါ အလုပ်အမှုဆောင်အဖြစ် ရွေးချယ်တင်မြှောက်ချင်း ခံခဲ့ရပါတယ်။ ဂျပ်ဆင်ကောလိပ်၁ကို ခြေချလိုက်တာနှင့် ခုံဖိနပ်စီးကာ ပင်နီတိုက်ပုံကိုဝတ်ပြီး ကတုံးဆံထောက်နှင့် ကိုအောင်ကျော်ရဲ့ “ဒို့ဗမာ” အဘိဓမ္မာကို ကြားရမှာပါ။

ကိုအောင်ကျော်၌ အခြားခေတ်ပြိုင် သခင်ကျောင်းသားများ ဖြစ်သည့် သခင်အောင်ဆန်း၂၊ သခင်နု၃၊ သခင်လှဖေ၄၊ ကိုထွန်းရှိန်၅ အစရှိသူတို့နှင့် မတူ ကွဲပြား ချက်လေးတွေလည်း ရှိပါသေးတယ်။ ထိုအခါက တက္ကသိုလ်မှ ကျောင်းသား အများစုဟာ လက်ဝဲယိမ်း ကြသော်လည်း ကိုအောင်ကျော်ကတော့ ပါတော်မူ မင်းနှစ်ပါး ကို သတိရနေပါသေးတယ်။ မြန်မာသက္ကရာဇ် ၁၃၀၀ခု၊ တန်ဆောင်မုန်းလပြည့်ကျော် (၈) ရက် ပါတော်မူနေ့ မှာ၊ ဗ.က.သ နှင့် တ.က.သ တို့မှ မည်သည့်အထိန်းအမှတ်ပွဲများ မလုပ်သော်လည်း၊ ကိုအောင်ကျော်တဦးတည်း မိမိရဲ့ အခန်းတွင်းမှနေ၍ အစာမစား၊ စကားမပြောပဲ ပါတော်မူနေ့ အထိမ်းအမှတ်ပွဲကျင်းပခဲ့ပါတယ်။ အခန်းဝ မှာလည်း “ဤနေ့ ဤရက်ကား ငါတို့ အရှင်နှစ်ပါး ပါတော်မူသော နေ့ဖြစ်သည်။ သတိရကြပါ။” ဟုလည်း ချိတ်ဆွဲ အသိပေးခဲ့ပါတယ်။ ကိုအောင်ကျော်၏ သရုပ်ပြမှုကြောင့် ၎င်းနှစ် အမျိုးသားအောင်ပွဲနေ့ကို ရန်ကုန်တက္ကသိုလ်သမ္မဂ္ဂက ချိမ့်ချမ့်သဲ ကျင်းပဖြစ်ခဲ့ခြင်းဖြစ်ပါတယ်။ ၁၃၀၀ပြည့် ကုလား-ဗမာ အဓိကရုဏ်းများအတွင်းကလည်း ကုလားများနှင့် တယောက်ချင်း ထွက်ချမည်လုပ်၍ ဗ.က.သ မှ လုပ်ဖေါ်ကိုင်ဖက်များကပင် ၀ိုင်းဆွဲထားရလောက်အောင် အမျိုးသားရေးစိတ်ဓါတ်ကြီးသော ကိုအောင်ကျော်ပါ။ မိမိကိုယ်တိုင်လည်း ဗမာမှုကို လေးစားသလို၊ အခြားသော ယောက်ျားလေး၊ မိန်းကလေးများ လက်ပွန်းတတည်း ဆက်ဆံခြင်း ကိုလည်းမကြိုက်ခဲ့။ ထို့ကြောင့် ယောက်ျားလေးများ နှင့် မိန်းကလေးများ အတူတွဲကသော ဧည့်ခံပွဲများ ကို သပိတ်မှောက်ရုံသာမက၊ ကောလိပ် ဆရာ၊ ဆရာမ များကျင်းပသော Ball Dance Parties များကိုပါ ခဲနှင့်ပေါက်ခဲ့တယ်လို့ ပြောစမှတ် ရှိပါတယ်။ လွတ်လပ်ရေးရယူရေး၌လည်း ၎င်းက ရန်သူတို့နှင့် တယောက်ချင်း အသက်အသေခံ တိုက်ပွဲဝင်ရမည်လို့လည်း အယူဆွဲခဲ့ပါတယ်။ နောင်မှ ကိုဘဟိန်း၆၊ ကိုလှရွှေ၇တို့က နားချ၍ လက်လျှော့သွားခဲ့ ရပါတယ်။ ဤကဲ့သို့ ရဲရဲတောက် ကောလိပ်ကျောင်းသား ကိုအောင်ကျော်ရဲ့ မော်ကွန်းဝင် နိဂုံးကိုတော့ ၁၃၀၀ပြည့် ရေနံမြေသပိတ်ကြီးက ဖန်တီးပေးလိုက်ပါတော့တယ်။

၁၉၃၈ခုနှစ်၊ နိုဝင်ဘာလ (၃၀) ရက်နေ့တွင် ချောက်ရေနံမြေမှ သပိတ်တပ်ကြီး ရန်ကုန်မြို့သို့ သခင်ဘိုးလှကြီး၏ဦးဆောင်မှုဖြင့် စတင် ချီတက်လာခဲ့ပါတယ်။ ဒီလိုချီတက်လာတာကို ဒေါက်တာဘမော်၈ရဲ့ ဘုရင်ခံအလုပ်အမှုဆောင်အဖွဲ့က ရှုံချလိုက်ပြီး ဗြိတိသျှ အာဏာပိုင် တွေက ဖြိုခွင်းမယ်ဆိုတဲ့ သတင်းရလို့ ဗ.က.သ က သပိတ်တပ်ကြီး နှင့် ပူးပေါင်းပါဝင်ရန် ကျောင်းသားခေါင်းဆောင်များဖြစ်သည့် ကိုဘဟိန်း နှင့် ကိုဗဆွေတို့ကို မကွေးမြို့သို့စေလွှတ် ခဲ့ပါတယ်။ ၁၉၃၈ခု၊ ဒီဇင်ဘာလ (၁၁) ရက်နေ့မှာ ကိုဘဟိန်း နှင့် ကိုဗဆွေတို့ မကွေးမှာ အဖမ်းခံရတယ် ဆိုသည့်သတင်း ဗ.က.သ ဌာနချုပ်ကိုရောက်လာခဲ့ပါတော့တယ်။ ဤသို့နှင့်၊ သမ္မဂ္ဂမှ အာဏာဖီဆန်ပွဲလုပ်ရန် ဆုံးဖြတ်လိုက်ပြီး ဒီဇင်ဘာ (၁၅) ရက်နေ့ မှာ အောင်မြင်စွာ ကျင်းပနိုင်ခဲ့ပါတယ်။ ဒါပေမယ့် ဘမော်အစိုးရက တောင်သူလယ်သမား၊ အလုပ်သမား၊ ကျောင်းသားများရဲ့တောင်းဆိုချက်များကို မလိုက်လျှောသည့်အတွက်၊ ကျောင်းသားများက အာဏာဖီဆန်ပွဲထက် ပြင်းထန်သည့် အစီအစည်ကို အကောင်အထည်ဖော်ရန် ဆုံးဖြတ်လိုက်ကြပါတော့တယ်။

၁၉၃၈ခု၊ ဒီဇင်ဘာလ (၁၆) ရက် ည ၁၁ နာရီခန့်တွင် ဗ.က.သ စာကြည့်တိုက်၌ ဗဟိုအလုပ်အမှုဆောင် အဖွဲ့ဝင်အချို့နှင့် “ဗိုလ်” စာရင်းဝင် ကျောင်းသားတစု ဗြိတိသျှအစိုးရ၏ အုပ်ချုပ်ရေးပင်မ ဖြစ်သော အတွင်းဝန်ရုံးကို (၂၀) ရက်နေ့၌ ၀ိုင်းရံဆန္ဒပြရန် တိုင်ပင်ခဲ့ကြပါတယ်။ ကိုအောင်ကျော်နှင့် သံမဏိတပ်၉မှုး ကိုထွန်းရှိန်တို့ မှာ စိတ်လှုပ်ရှားလွန်း၍ စကားပင်းမပြောနိုင်ခဲ့ကြ။

၁၉၃၈ခု၊ ဒီဇင်ဘာလ (၂၀) ရက် မနက် ၈ နာရီတွင် သမ္မဂ္ဂအဆောက်အဦးထဲမှ ကိုလှရွှေ၏ “ဒီနေ့ဗမာ့ရာဇ၀င်မှာတွင်မည့်ခြေလှမ်းကိုစမယ်။ ချုပ်ချယ်တဲ့ ဥပဒေကိုဆန့်ကျင်မယ်။ ကျုပ်တို့ကို အစိုးရက ပစ်ရင်လည်းပစ်မယ်။ အဲဒါလိုက်မလား” ဟူသော အသံက ဟိန်း၍ထွက်လာပါတယ်။ ကိုလှရွှေက ဥက္ကဋ္ဌနေရာမှာ၊ ရှေ့တန်းမှာ ကိုထွန်းရှိန်၊ ကိုအောင်ကျော်၊ ကိုအေးကျော် နှင့် သံမဏိတပ်ဗိုလ်များ။ ကျောင်းသားများကလည်း “လိုက်မယ်။ လိုက်မယ်။” ဟုကြွေးကြော်ကာ စီတန်းထားသောကားများဆီ ဦးတည်နေကြပြီ။

စပတ်လမ်းမှာ ကျောင်းသားပေါင်း ၇၀၀၀ကျော်လောက် စုမိကြကာ အတွင်းဝန်ရုံး အ၀များအားလုံးကို စတင်ပိတ်ဆို့လိုက်ကျပါတော့တယ်။ ကိုအောင်ကျော် က စပတ်လမ်းနှင့် ဖရေဇာလမ်း ထောင့်မှနေကာ ကျောင်းသားများကိုစတင်နေရာချပေးပါတယ်။ ထို့နောက်၊ ကျောင်းသားအရေး၊ တောင်သူလယ်သမား၊ အလုပ်သမားအရေးတို့ကို စတင် ကြွေးကြော် ပါတော့တယ်။ ရဟန်းရှင်လူတို့ကလည်း ၀ိုင်းအားပေးကြပါတယ်။ နေ့လည် ၁၂ နာရီလောက်မှာ ကိုလှရွှေ က “အောင်ပြီ” ကြွေးကြော်ကာ ဆန္ဒပြပွဲရုပ်သိမ်းပြီး ဖရေဇာလမ်း၁၀၊ ဂျုဒါအီဇကယ်လမ်း၁၁၊ ဒါလဟိုဇီလမ်း၁၂တို့မှ ကျောင်းသားများကိုစုဝေးကာ စပတ်လမ်း၁၃အတိုင်း ချီတက်လာခဲ့ပါတော့တယ်။ ထိုအချိန်မှာ ဂေါ်ရာမြင်းစီး စစ်ပုလိပ်များ၁၄ ချီတက်လာကာ ကျောင်းသားထုကို ၀င်ရောက်ရိုက်နှက်ပါတော့တယ်။ ကိုလှရွှေ နှင့် ကိုအောင်ကျော်တို့ နှစ်ယောက်မှာ အနီးကပ်ဆုံး ရှိနေခဲ့ကြပြီး အခြားကျောင်းသားများ ဖရိုဖရဲ မဖြစ်ရန် ကြိုးပန်းနေပါတယ်။ ရဲဘော်ကျောင်းသားများ ကလည်း “အရေးတော်ပုံ အောင်ပါစေ”၊ “သခင်မျိုးဟေ့ တို့ဗမာ” စသည့် တို့ကို ဆက်လက် ကြွေးကြော်လျှက် ရှေ့သို့ ဆက်လက်ချီတက်ခဲ့ကျပါတယ်။ ဒါပေမယ့် ဂေါ်ရာမြင်းစီး စစ်ပုလိပ်များက ပိုမိုပြင်းထန်စွာ ဖြိုခွဲခဲ့လို့ နောက်ဆုံး ကျောင်းသားတပ်ကြီး လဲပြိုခဲ့ပါတော့တယ်။ ဥက္ကဋ္ဌ ကိုလှရွှေလည်း အကန် ခံထားရလို့ လမ်းပေါ်မှာလဲနေပါတယ်။ ကိုလှရွှေ ရဲ့ ဘေးမှာ လဲနေတာကတော့ ကိုအောင်ကျော်ပါ။ ဦခေါင်းမှသွေးတွေ ဆက်တိုက်ယိုစီးနေရင်းမှပင်၊ ကုန်း ထကာ “ကိုလှရွှေ၊ ကိုလှရွှေ။ ကျုပ်တို့ခေါင်းဆောင်းကြီး ဘယ်လိုနေသေးလဲ။ အရေးတော်ပုံ အောင်ရမည်။” ဟု သွေးရူးသွေးတန်းနှင့်၊ အသံကွဲကြီးနင့် အော်ရင်း ပြန်လဲကျသွားပါတယ်။ ဘေးမှကျောင်းသားများ သူ့ကို ရန်ကုန်ဆေးရုံကြီးသို့ အားချင်း ပို့သော်လည်း နေရမရ၍ ဆင်နီတိုးရီးယမ်း၁၅ သို့ပြောင်းရွှေ့ခဲ့ရပါတယ်။

ထိုနေ့ညက၊ ရန်ကုန်မြို့ကြီးတခုလုံး တိတ်ဆိတ်နေခဲ့ပါတယ်။ ရဟန်းရှင်လူတို့လည်း မလှုံ့ဆော်ရပဲ အသံတိတ် သပိတ်မှောက်ကြပါတယ်။ ကိုအောင်ကျော်မှာတော့ တက္ကသိုလ် ဆင်နီတိုးရီးယမ်းက ခုတင်ပေါ်မှာ သတိလစ်လျှက်။ ကိုလှရွှေလည်း ပုန်းရှောင်နေရသည့်ကြားမှ သူ့ရဲဘော် ကိုအောင်ကျော်အတွက် ရင်တဖိုဖိုနှင့်။

၁၉၃၈ခု၊ ဒီဇင်ဘာလ (၂၂) ရက်နေ့ ညနေတွင်မှာတော့ ကိုလှရွှေဆီသို့ သတင်းတပုဒ် ရောက်လာခဲ့ပါတယ်။ “ကိုအောင်ကျော် သေပြီတဲ့”။

ဤသတင်း ဗမာပြည်ရှိကျောင်းများအားလုံးသို့ ချက်ချင်းပြန့်သွားပြီး ရွာငယ်များမှ ကျောင်းများပါ မကျန် အားလုံးတညီတညာတည်း သပိတ်မှောက်ကြပါတယ်။ ကိုလှရွှေကိုယ်တိုင်လည်း ၀ရမ်း ထုတ်ခံထားရသည်ကိုပင် ဂရုမစိုက်၊ ကိုအောင်ကျော်ဈာပနပွဲ၌ ရှေ့ဆုံးမှ ဦးဆောင်ချီတက်ခဲ့ပါတယ်။ ဈာပနပွဲကြီးမှာ လည်း လူထောင်ပေါင်းများစွာတို့နှင့် ဆန္ဒပြပွဲကြီး ဖြစ်ခဲ့ပါတော့တယ်။ ကြံတောသုဿန် အရောက်မှာတော့ ကိုလှရွှေက “ဟယ်…ဘမော်အစိုးရ၊ နင့်တို့လုပ်ရပ်ကြောင့် ငါတို့ရဲဘော် ကိုအောင်ကျော် ကျဆုံးရတယ်။” အစချီသည့် ရဲရဲတောက် မိန့်ခွန်းကို ဟောပြောပါတော့တယ်။ ကိုထွန်းရှိန် တယောက်လည်း ခေါင်းမှာပတ်တီးစည်းဖြင့် ကိုအောင်ကျော်၏ အလောင်းဘေးမှ နေကာ အံကျိတ်ရင်း မျက်ရည်တွေ တတွေတွေနှင့်။

ကိုအောင်ကျော်အတွက်ဝမ်းနည်းချင်းအထိန်းအမှတ်ဖြင့် ဗမာတပြည်လုံး အစည်းအဝေးများ ကျင်းပကြပါတယ်။ လူအများ၏ ထောင်ခံမှုဖြင့် ကိုအောင်ကျော်ဈာပန ကော်မတီ မှ ကိုအောင်ကျော်အား “နေမျိုး သီဟသူရ ဗိုလ်အောင်ကျော်” ဟူသော်ဘွဲ့ဖြင့် ဂုဏ်ပြုခဲ့ကြပြန်ပါတယ်။ ဗိုလ်အောင်ကျော် သည်ကား ဗမာ့လွတ်လပ်ရေးအတွက် ပထမဦးဆုံး အသက်စတေးခဲ့သော ဗ.က.သ ၏ အာဇာနည်ပင်။ ဤသို့ ရဲရင့်စွာ အသက်ပေးခဲ့သော၊ ဗမာ့လွတ်လပ်ရေး၏ မော်ကွန်းတဆူ၊ ရဲဘော် ဗိုလ်အောင်ကျော် ကို ဤဆောင်းပါးဖြင့် ဒီဇင်ဘာလ (၂၀) ရက်နေ့၌ ကျရောက်ခဲ့သော “ဗိုလ်အောင်ကျော်နေ့” အထိမ်းအမှတ်အဖြစ် ဂုဏ်ပြုအပ်ပါတယ်။

ကိုအောင်ကျော်…ကောင်းရာသုဂတိ လားပါစေ။

ဘဇံလင်း (Dec 22, 2007.)



မှတ်စု။

၁) ဂျပ်ဆင်ကောလိပ် - ယုဒသန်ကောလိပ်။

၂) သခင်အောင်ဆန်း - ရဲဘော်သုံးကျိပ်ခေါင်းဆောင်။ ပြည်ထောင်စု ပိသုကာ နှင့် တပ်မတော်၏ ဖခင်။

၃) သခင်နု - လွတ်လပ်သော ပြည်ထောင်စု ဗမာနိုင်ငံတော်၏ ပထမဦးဆုံး ၀န်ကြီးချုပ်။

၎) သခင်လှဖေ - ရဲဘော်သုံးကျိပ်ဝင်၊ ဗိုလ်လက်ျာ။ ဗမာ့တပ်မတော်၏ ပထမဦးဆုံး စစ်ဦးစီးချုပ်။

၅) ကိုထွန်းရှိန် - ရဲဘော်သုံးကျိပ်ဝင်၊ ဗိုလ်ရန်နိုင်။ ဗ.က.သ သံမဏိလက်ရုံးတပ်မှူး။

၆) ကိုဘဟိန်း - ၁၃၀၀ပြည့် အရေးတော်ပုံအတွင်း၊ ဗ.က.သ ဥက္ကဋ္ဌ။ “မြင်းခွာတချက်ပေါက်လျှင်၊ မီးဟုန်ဟုန်းတောက်စေရမည်” ဟုဟောပြောခဲ့သော ကျောင်းသားခေါင်းဆောင်။

၇) ကိုလှရွှေ - ၁၃၀၀ပြည့် အရေးတော်ပုံအတွင်း၊ ဗ.က.သ ဒုဥက္ကဋ္ဌ (နောင်ယာယီ ဥက္ကဋ္ဌ)။ အာဏာရှင် ကိုလှရွှေဟု လူသိများလာသူ။

၈) ဒေါက်တာဘမော် - ဘုရင်ခံအမှုဆောင်ကောင်စီ နန်းရင်းဝန်။ ဂျပန်ခေတ် ဗမာနိုင်ငံ၏ အဓိပတိ။

၉) သံမဏိတပ် - ဗမာနိုင်ငံလုံးဆိုင်ရာ ကျောင်းသားသမ္မဂ္ဂ သံမဏိလက်ရုံးတပ်။ (ညီစေနော်၊ စစ်ရဲမော်…ချီတက်ကြဆို့တူပျော်ပျော်…)

၁၀) ဖရေဇာလမ်း - အနော်ရထာလမ်း။

၁၁) ဂျုဒါအီဇကယ်လမ်း - သိမ်ဖြူလမ်း။

၁၂) ဒါလဟိုဇီလမ်း - မဟာဗန္ဒုလလမ်း။

၁၃) စပတ်လမ်း - ဗိုလ်အောင်ကျော်လမ်း (ကိုအောင်ကျော်အား ဂုဏ်ပြုချင်းအားဖြင့်)။

၁၄) ဂေါ်ရာ မြင်းစီး စစ်ပုလိပ် - အိန္ဒိယ တော်ဝင် ပုလိပ်တပ်တော် (Indian Imperial Police)။

၁၅) ဆင်နီတိုးရီးယမ်း - ရန်ကုန်တက္ကသိုလ် ဆေးရုံ။





ကျမ်းကိုး။

မြဟန်။ ။ ဗိုလ်အောင်ကျော် (၁၉၁၅-၁၉၃၈)၊ ကိုလိုနီခေတ် မြန်မာ့သမိုင်းအဘိဓာန်။ တက္ကသိုလ်များ သမိုင်းသုတေသနဋ္ဌာန။ ၂၀၀၀။

သိန်းဖေမြင့်။ ။ အရှေ့ကနေ၀န်းထွက်သည့်ပမာ (ပ+ဒု)။

သိန်းအောင်။ ။ ကျွန်တော်သိခဲ့တဲ့အောင်ကျော်၊ အိုးဝေမဂ္ဂဇင်း အတွဲ (၈)၊ အမှတ် (၁)။ ၁၉၄၀။

ဦးနု။ ။ တာတေစနေသား။
http://bazanlin.wordpress.com/2007/12/22/boaungkyaw/
အာဇာနည် ဘလော့ဂ်မှတဆင့်
ဆက်လက်ဖတ်ရှုရန်...

ဗိုလ်ချုပ်ကြီး သူရတင်ဦး (၁၉၂၇ - လက်ရှိ)


ဗိုလ်ချုပ်ကြီး သူရတင်ဦးဟာ သူ့ရဲ့ရဲစွမ်းသတ္တိကြောင့် “သူရ”ဘွဲ့ချီးမြှင့်ခံရပြီး မြန်မာ့ တပ်မတော်ရဲ့ ကာကွယ်ရေးဦးစီးချုပ် အဆင့်ထိ ရာထူးတိုးမြှင့်ခန့်ထားခြင်း ခံခဲ့ရတယ်။ ဒါပေမယ့် ၁၉၇၆ ခုနှစ်မှာ ဗိုလ်နေ၀င်းကိုဖြုတ်ချဖို့ ပူးပေါင်းကြံစည်တယ် ဆိုပြီး နိုင်ငံတော် ပုန်ကန်မှုနဲ့ စွဲချက်တင်ခဲ့တာကြောင့် သူ့ရဲ့တပ်မတော်သားဘ၀ဟာ အဆုံးသတ်ခဲ့ရတယ်။ ၁၉၈၈ ခုနှစ် လူထုအုံကြွဆန္ဒပြမှုတွေ အတွင်းမှာတော့ ဒီမိုကရေစီလှုပ်ရှားမှုထဲ ပါဝင်လာပြီး အမျိုးသားဒီမိုကရေစီအဖွဲ့ချုပ်ကို တည်ထောင်သူတဦး ဖြစ်လာခဲ့တယ်။

အခုအခါ အသက် ၈၂ နှစ် ရှိပြီဖြစ်တဲ့ ဦးတင်ဦးဟာ ၁၉၄၃ ခုနှစ် ဗမာ့လွတ်လပ်ရေးတပ်မတော် ထဲဝင်ခဲ့စဉ်က အသက် ၁၆ နှစ်သာ ရှိပါသေးတယ်။ ကူမင်တန်တပ်ဖွဲ့တွေ ကျူးကျော် ၀င်ရောက်မှုကိုတိုက်ထုတ်တဲ့ တိုက်ပွဲတွေမှာတော့ တပ်မှူးတင်ဦး ရဲ့ သူရသတ္တိနဲ့ခေါင်းဆောင်မှုဟာ သူ့ရဲဘော်တွေအတွက် အားကျအတုယူစရာဖြစ်ခဲ့ပြီး ၁၉၇၄ ခုနှစ်မှာ တပ်မတော်ရဲ့ ကာကွယ်ရေးဦးစီးချုပ်ရာထူးကို ပေးအပ်ခဲ့တဲ့အထိ ဗိုလ်နေ၀င်းက ယုံကြည်ခဲ့တယ်။ နောက်ပိုင်းမှာ ကာကွယ်ရေးဝန်ကြီး အဖြစ် ခန့်အပ်ခံခဲ့ရတဲ့အထိပါပဲ။

တပ်မတော်ထဲမှာသာမက ဗိုလ်ချုပ်ကြီးတင်ဦးဟာ အရပ်သားတွေရဲ့ လေးစားချစ်ခင်မှုကိုလည်း ရရှိခဲ့ပါတယ်။ ၁၉၇၄ ခုနှစ် ကုလသမဂ္ဂ အတွင်းရေးမှူးချုပ်ဟောင်း ဦးသန့်ရဲ့ဈာပနမှာ ဆန္ဒပြကြတဲ့ကျောင်းသားတွေက “ဗိုလ်ချုပ်ကြီးတင်ဦး အသက် ရာကျော်ရှည်ပါစေ”လို့ ကြွေးကြော်တဲ့အထိ ဖြစ်ခဲ့တယ်။ တကယ်တော့ နိုင်ငံတော် သစ္စာဖောက်မှုဆိုတာထက် လူကြိုက် များတယ်ဆိုတဲ့အချက်က ဦးတင်ဦးကို ရာထူးဖြုတ်ချဖို့ ဖြစ်လာစေခဲ့ပုံပါပဲ။ ၁၉၇၆ ခုနှစ်မှာ ဦးတင်ဦးကို ထောင် ၇ နှစ် ချခဲ့ တယ်။ ဒါပေမယ့် ၂ နှစ်စောပြီး ပြန်လွတ်လာတယ်။

ထောင်ကလွတ်တော့ ဦးတင်ဦးဟာ မထင်မရှားဘဲ နေခဲ့တယ်။ အဲ့ဒီနောက် ၁၉၈၈ ခုနှစ် ရန်ကုန်ပြည်သူ့ဆေးရုံကြီး အပြင် ဘက်မှာ ဆန္ဒပြနေတဲ့ပြည်သူထောင်ပေါင်းများစွာကို မိန့်ခွန်းပြောခဲ့တယ်။ အဲ့ဒီနှစ်မှာပဲသူဟာ အမျိုးသားဒီမိုကရေစီ အဖွဲ့ ချုပ်ရဲ့ ဒုတိယဥက္ကဌဖြစ်လာပြီး စစ်အစိုးရကို ပြင်းပြင်းထန်ထန် ဝေဖန်ပြောဆိုပါတော့တယ်။

၁၉၈၉ ခုနှစ်မှာ ဦးတင်ဦး နောက်တကြိမ် ထပ်ပြီးအဖမ်းခံရတယ်။ ဒီတကြိမ်မှာတော့ တပ်မတော်ပြိုကွဲအောင်လုပ်တယ် ဆိုတဲ့ စွဲချက်နဲ့ ဖြစ်ပါတယ်။ လျှို့ဝှက်စစ်ခုံရုံးရဲ့ စစ်တပ်အရာရှိတွေရှေ့မှာ ကာကွယ်ရေးဦးစီးချုပ်ဟောင်းက “တပ်မတော် ကို ငါချစ်တယ်၊ ဒါပေမယ့် ပြည်သူကို တပ်မတော်ထက် ပိုချစ်တယ်”လို့ ပြောလိုက်တယ်။ အဲဒီအတွက် ဦးတင်ဦးဟာ အင်းစိန် အကျဉ်းထောင်မှာ ၆ နှစ်နေခဲ့ရတယ်။

၁၉၉၅ ခုနှစ်မှာ ထောင်ကပြန်လွတ်လာပြီး ဦးတင်ဦးဟာ နိုင်ငံရေးကို ဆက်လုပ်တယ်။ ဒေါ်အောင်ဆန်းစုကြည်ရဲ့ မြန်မာ ပြည်အနှံ့ခရီးစဉ်တွေမှာ အတူပါတယ်။ ၂၀၀၃ ခုနှစ် စစ်ကိုင်းတိုင်း ဒီပဲယင်းမြို့အနီး အမျိုးသားဒီမိုကရေစီအဖွဲ့ချုပ်ရဲ့ မော် တော်ယာဉ်တန်းကို စစ်အစိုးရ အားပေးအားမြှောက်ပြုထားတဲ့ လူရမ်းကားတွေက အကြမ်းဖက်တိုက်ခိုက်တဲ့အတွက် ဦးတင်ဦး ဒဏ်ရာရခဲ့ပြီး နေအိမ်အကျယ်ချုပ်ချထားခံရတာ အခုချိန်ထိပါ။
ဆက်လက်ဖတ်ရှုရန်...

ဗိုလ်မှူးကြီး ကြည်မောင် (၁၉၁၉ - ၂၀၀၄)



“စစ်တပ်ဟာ စစ်တပ်အလုပ်ကိုပဲလုပ်ရမယ်၊ နိုင်ငံရေးနဲ့ ကင်းကင်းနေရမယ်”ဆိုပြီး သူ့ရဲ့ဘ၀တလျှောက် ကိုင်စွဲတဲ့ ခံယူချက်ကို ဗိုလ်မှူးကြီးကြည်မောင် တဖြစ်လဲ ဦးကြည်မောင်ဟာ ၁၉၉၀ ခုနှစ်တုန်းက တိကျပြတ်သားစွာ ပြောခဲ့ပါတယ်။

ဦးကြည်မောင်ဟာ အနောက်တောင်တိုင်းစစ်ဌာနချုပ် တိုင်းမှူးဖြစ်ခဲ့ပြီး ၁၉၆၂ ခုနှစ်မှာ နိုင်ငံတော်အာဏာကို သိမ်းယူခဲ့တဲ့ ဗိုလ်နေ၀င်းရဲ့ တော်လှန်ရေးကောင်စီအဖွဲ့ဝင်တဦး လည်း ဖြစ်ခဲ့တယ်။ အဲ့ဒီအချိန်က ဗိုလ်မှူးကြီး ကြည်မောင်ဟာ စစ် အာဏာသိမ်းတာကို ပြင်းပြင်းထန်ထန်ဆန့်ကျင်ခဲ့တဲ့ တဦးတည်းသော တော်လှန်ရေးကောင်စီဝင် ဖြစ်တယ်။

၁၉၆၂ ခုနှစ် စစ်တပ်ကအာဏာသိမ်းပြီးနောက်ပိုင်း ဗိုလ်မှူးကြီးကြည်မောင်ဟာ ဗိုလ်နေ၀င်းဦးစီးတဲ့ လူထုအစည်းအဝေး ပွဲတွေကို တက်ရောက်ဖို့ ငြင်းဆန်ခဲ့တယ်။ နောက်တနှစ်အကြာ အနောက်တောင်တိုင်း စစ်ဌာနချုပ် တိုင်းမှူးဘ၀ကနေ သူ့ကို အငြိမ်းစားပေးလိုက်ပါတယ်။

ဦးကြည်မောင်ဟာ နိုင်ငံရေးယုံကြည်ချက်အတွက် စုစုပေါင်း ၁၁ နှစ်ကြာ ထောင် ၄ ကြိမ်ကျခဲ့တာကြောင့် သူ့ကိုယ်သူ
ဝါရင့်အကျဉ်းသားအဖြစ် ခိုင်းနှိုင်းခဲ့ဖူးတယ်။

ဦးကြည်မောင်ဟာ ရန်ကုန်တက္ကသိုလ် ကျောင်းသားတယောက်အဖြစ်နဲ့ နိုင်ငံရေးလှုပ်ရှားမှုထဲ စတင်ဝင်ရောက်ခဲ့တယ်။ ၁၉၃၈ ခုနှစ် ဒီဇင်ဘာလ ၂၀ ရက်နေ့ ဗြိတိသျှအစိုးရကိုဆန့်ကျင်တဲ့ တတိယအကြိမ် ရန်ကုန်တက္ကသိုလ် ကျောင်းသား သပိတ်မှာ ပါဝင်ခဲ့တယ်။ ဆန္ဒပြပွဲရဲ့တပ်ဦးမှာ ကျောင်းသားသမဂ္ဂအလံကို ကိုင်စွဲလွှင့်ထူထားစဉ် ဗြိတိသျှစစ်ပုလိပ်တွေရဲ့ ရိုက်ချက်ကြောင့် ဦးခေါင်းမှာဒဏ်ရာရသွားပေမယ့် သူရဲ့ အလံမလှဲတတ်တဲ့ စိတ်ဓာတ်ဟာ အဲဒီအချိန်ကတည်းက စခဲ့တာဖြစ်ပါတယ်။

၁၉၈၈ ခုနှစ်မှာတော့ ဒီမိုကရေစီလှုပ်ရှားမှုထဲ ပါဝင်လာပြီး အမျိုးသားဒီမိုကရေစီအဖွဲ့ချုပ်ကို တည်ထောင်တဲ့ ခေါင်းဆောင် တဦး ဖြစ်လာတယ်။ ၁၉၈၉ ခုနှစ် ဇူလိုင်လမှာ ဦးတင်ဦးနဲ့ ဒေါ်အောင်ဆန်းစုကြည်တို့ အဖမ်းခံရပြီးနောက် ဦးကြည်မောင် ဟာ ၁၉၉၀ ခုနှစ် အထွေထွေရွေးကောက်ပွဲမှာ မဲအပြတ်အသတ်နဲ့ အနိုင်ရအောင် အမျိုးသားဒီမိုကရေစီအဖွဲ့ချုပ်ကို ဦးဆောင်မှုပေးခဲ့တယ်။

အတိတ်မှာ ကျူးလွန်ခဲ့တဲ့ ပြစ်မှုတွေအတွက် စစ်တပ်ကို အမျိုးသားဒီမိုကရေစီအဖွဲ့ချုပ်က ခုံရုံးတင်မှာလားလို့ နိုင်ငံခြား သတင်းထောက်တယောက်ရဲ့အမေးကို `မြန်မာနိုင်ငံမှာ နျူရင်ဘတ်လိုခုံရုံးမျိုး ကျနော်တို့ မလိုအပ်ပါဘူး´လို့ ဦးကြည်မောင်က ပြန်ဖြေခဲ့တယ်။ ဒါပေမယ့် တပ်မတော်စစ်ထောက်လှမ်းရေးမှူးချုပ် ဒုတိယ ဗိုလ်ချုပ်ကြီး ခင်ညွန့်က အခွင့်ကောင်းယူပြီး ဦးကြည်မောင်ကို ဖမ်းဆီးထောင်ချခဲ့တယ်။

၁၉၉၅ ခုနှစ် ထောင်ကလွတ်လာပြီးနောက် ဦးကြည်မောင်ဟာ နိုင်ငံရေးအပေါ် သူ့ရဲ့ချဉ်းကပ်ပုံကို အခုလိုပြောခဲ့တယ်။ “ဒါက ကစားပွဲတခုပဲ၊ ကျနော်တို့က အဲ့ဒီကစားပွဲထဲက ကစားသမားတွေ ဖြစ်တယ်။ ဒါဆို အတ္တမကြီးဘဲ အဓိပ္ပာယ်ရှိရှိ ကစားကြရအောင်” တဲ့။

ဒါပေမယ့် နောက်နှစ်နှစ်အကြာ အမျိုးသားဒီမိုကရေစီအဖွဲ့ချုပ်ကနေ အနားယူခဲ့တယ်။ ဦးကြည်မောင်ဟာ သူ့ဘ၀ရဲ့ နောက်ဆုံးအချိန်တွေမှာ မြန်မာ့တပ်မတော်သမိုင်းကို သုတေသနပြုရင်း ၂၀၀၄ ခုနှစ် ဩဂုတ်လ (၁၉) ရက်နေ့က နေအိမ်မှာပဲ ကွယ်လွန်သွားခဲ့ပါတယ်။
ဆက်လက်ဖတ်ရှုရန်...

ဗိုလ်မှူးကြီး ဗထူး (မွေးဖွားနှစ်မသိ - ၁၉၄၅)


ဗိုလ်မှူးကြီး ဗထူးဟာ တိုင်းပြည်နဲ့ တပ်မတော်အတွက် ဘ၀တခုလုံးကို ပေးဆပ်ခဲ့သူအဖြစ် လူအများက လေးစား ဂုဏ်ပြုခဲ့ကြတယ်။ ၁၉၄၁ ခုနှစ်မှာ ဗမာ့လွတ်လပ်ရေးတပ်မတော်က ဂျပန်အကူအညီနဲ့ မြန်မာနိုင်ငံတောင်ပိုင်း ထားဝယ် မြို့ကို သိမ်းပိုက်ခဲ့ချိန်မှာ ဗိုလ်ဗထူးဟာ ဇနီးနဲ့သားသမီးသုံးယောက်ကိုထားခဲ့ပြီး ဗြိတိသျှကို တော်လှန်တိုက်ခိုက်ဖို့ ပူးပေါင်းပါဝင် လာတယ်။

၁၉၄၃ ခုနှစ်မှာ ဗိုလ်မှူးအဆင့် ရာထူးတိုးမြှင့်ခံခဲ့ရပြီး မြန်မာနိုင်ငံမြောက်ပိုင်းက ထောက်ပံ့ရေးလမ်းကြောင်းတွေ လုံခြုံ ရေးအတွက် တာဝန်ယူခဲ့ရတယ်။ ဂျပန်ခေတ်မှာ ဗမာ့တပ်မတော်ကို နာမည်အသစ်နဲ့ ပြန်လည်ဖွဲ့စည်းတဲ့အခါ မန္တလေး အခြေစိုက် အထက်ဗမာပြည်တိုင်း(ယခု အလယ်ပိုင်းတိုင်း) စစ်ဌာနချုပ်ရဲ့ တိုင်းမှူးဖြစ်လာတယ်။ ၁၉၄၅ ခုနှစ် ဇန်န၀ါရီ လမှာ ဗိုလ်ချုပ်အောင်ဆန်းနဲ့ တပ်မတော် ခေါင်းဆောင်တွေ ရန်ကုန်မြို့မှာ လျှို့ဝှက်အစည်းအဝေးကျင်းပပြီး ဂျပန် တပ် တွေကို မတ်လ ၂၇ ရက်မှာ တမျိုးသားလုံး အုံကြွတော်လှန်ဖို့ အစီအစဉ်ရေးဆွဲရာမှာ ဗိုလ်ဗထူးလည်း ပါဝင်ပါတယ်။

ဒါပေမယ့် မန္တလေးကိုပြန်ရောက်လို့ သတ်မှတ်ရက်မတိုင်မီ သုံးပတ်အလို မတ်လ ၈ ရက်နေ့မှာ အခြေအနေအရ သူ့အစီ အစဉ်နဲ့သူ ဂျပန်ကိုစစ်ကြေညာပြီး စတိုက်ပါတယ်။ ဗိုလ်ဗထူးရဲ့ အကြောင်းပြချက်က စစ်နည်းဗျူဟာ မြောက်ခဲ့တယ်။ ဗိုလ်ချုပ်အောင်ဆန်းနဲ့ သူ့ရဲဘော်တွေကို ဂျပန်တွေ သံသယ၀င်နေတာသိတဲ့ ဗိုလ်ဗထူးဟာ တော်လှန်ရေးလှုပ်ရှား မှု ကြီးတရပ်လုံးကို ဂျပန်တွေအာရုံမစိုက်မိအောင် ဗိုလ်ချုပ်အောင်ဆန်းနဲ့ ခပ်ခွာခွာနေပြလိုက်တယ်။

သူနဲ့သူ့တပ်တွေဟာ ဗိုလ်ချုပ်အောင်ဆန်းရဲ့အမိန့်ကို မနာခံတော့ဘူးလို့ ကြေညာလိုက်တဲ့အခါ ဂျပန်တွေဟာ ဗိုလ်ဗထူး အပေါ်မှာပဲအာရုံစိုက်သွားကြတယ်။ အဲ့ဒီလိုအာရုံပြောင်းသွားချိန်မှာ ဗိုလ်ချုပ်အောင်ဆန်းနဲ့ လုပ်ဖော်ကိုင်ဖက်တွေဟာ စီစဉ်ထားတဲ့အတိုင်း မတ်လ ၂၇ ရက်မှာ ဂျပန်တော်လှန်ရေးကို စတင်နိုင်ခဲ့တယ်။ အဲ့ဒီနေ့ကို ဖက်ဆစ်တော်လှန်ရေးနေ့ နောက်ပိုင်းတော့ တပ်မတော်နေ့လို့ သတ်မှတ်ခဲ့ကြတယ်။

ဗြိတိသျှဦးဆောင်တဲ့ မဟာမိတ်တပ်တွေ အိန္ဒိယကတဆင့် အထက်မြန်မာပြည်နဲ့ မန္တလေးကို ၀င်ရောက်နိုင်ရေး ဗိုလ်ဗထူး က ကူညီခဲ့ပါတယ်။ ဂျပန်တွေရဲ့နောက်ကြောက နေရာယူထားပြီးဖြစ်တဲ့ ဗိုလ်ဗထူးဟာ ထောက်ပံ့ရေးလမ်းကြောင်းတွေကို တပြိုင်နက်တည်း တိုက်ခိုက်ခဲ့တယ်။ မဟာမိတ်တပ်တွေ မေမြို့ကိုသိမ်းပိုက်ရေးကိုလည်း ဗိုလ်ဗထူးက အကူအညီ အများ ကြီးပေးနိုင်ခဲ့တယ်။

ဗိုလ်ဗထူးရဲ့သတ္တိနဲ့ဦးဆောင်နိုင်မှုကို ဗိုလ်ချုပ်အောင်ဆန်းက ချီးကျူးခဲ့ပြီး ဗိုလ်ဗထူးကို ဗိုလ်မှူးကြီးရာထူး တိုးမြှင့်ပေး ခဲ့တယ်။ ဒါပေမယ့် ဒီရာထူးကို ဗိုလ်ဗထူး လက်ခံမသွားနိုင်ခဲ့ပါဘူး။ ထားဝယ်မှာကျန်ရစ်ခဲ့တဲ့ မိသားစုထံလည်း ပြန် မရောက် နိုင်ခဲ့ဘူး။ ၁၉၄၅ ခုနှစ် ရှမ်းပြည်နယ်တောင်ပိုင်းက ရွာလေးတရွာမှာ ငှက်ဖျားရောဂါနဲ့ ဗိုလ်ဗထူး ကျဆုံးသွားခဲ့ တယ်။

ဗိုလ်ဗထူးဟာ ရိုးသားဖြောင့်မတ်ပြီး ထက်မြက်သူ၊ သတ္တိရှိပြီး ၀ီရိယကောင်းတဲ့ စစ်ခေါင်းဆောင်လို့ ဗိုလ်ချုပ်အောင်ဆန်းက ရေးသားခဲ့တယ်။ ၁၉၅၃ ခုနှစ် နိုဝင်ဘာလမှာ ဗိုလ်ဗထူးကို ဂုဏ်ပြုတဲ့အနေနဲ့ ရှမ်းပြည်တောင်ပိုင်း ရပ်ဆောက်ဒေသမှာ တပ်မြို့တမြို့တည်ခဲ့ပြီး `ဗထူးတပ်မြို့´ လို့ အမည်ပေးခဲ့တယ်။ အဲ့ဒီမြို့ကို တပ်မတော်အရာရှိတွေကို သင်တန်းပေးဖို့နဲ့ တပ်မိသားစုတွေနေထိုင်ဖို့ တည်ဆောက်ခဲ့တာ ဖြစ်ပါတယ်။
ဆက်လက်ဖတ်ရှုရန်...

ဗိုလ်ချုပ် စမစ်ဒွန်း (၁၉၀၆ - ၁၉၇၉)


၁၉၄၆ ခုနှစ် လန်ဒန်မြို့ ဒုတိယကမ္ဘာစစ်အောင်ပွဲအထိမ်းအမှတ် စစ်ရေးပြအခမ်းအနားမှာ ဖီးမာရှယ် ၀ီလျှံဆလင်းမ်နဲ့ ဗိုလ်မှူးကြီး စမစ်ဒွန်းတို့ စကားလက်ဆုံကြနေကြတယ်။ မြန်မာ နိုင်ငံကို ဂျပန်တွေဆီကနေ ပြန်လည်သိမ်းပိုက်စဉ်က အိန္ဒိယ-ဗြိတိသျှ တပ်ဖွဲ့တွေရဲ့ တပ်မှူးကြီးဖြစ်ခဲ့တဲ့ ဆလင်းမ်ဟာ သူ့အနီးက သတင်းထောက်တွေဘက်လှည့်ပြီး “ဒါ အရပ်လေးပေပဲရှိတဲ့ ဗိုလ်မှူးကြီး ဒွန်းလေ”ဆိုကာ နောက်ပြောင်ပြီး မိတ်ဆက်ပေးလိုက်တယ်။ အဲဒီကစပြီး စမစ်ဒွန်းကို ဗိုလ်မှူးကြီး လေးပေလို့ လူတွေကခေါ်ကြတော့တယ်။

လူကောင်သေးသေးနဲ့ အဲ့ဒီကရင်အမျိုးသားကြီးဟာ အိန္ဒိယစစ်တက္ကသိုလ်ရဲ့ ပထမဆုံး အပတ်စဉ်သင်တန်းမှာ အတော် ဆုံးကျောင်းသားဆုကို ရရှိခဲ့သူဖြစ်တယ်။ အဲ့ဒီနောက်ပိုင်း ဒုတိယကမ္ဘာစစ်အတွင်း ဂျပန်လက်အောက်က ဧရာဝတီမြစ်ဝ ကျွန်းပေါ်ဒေသကို လေထီးနဲ့ခုန်ုဆင်းပြီး ဒေသခံကရင် ပြောက်ကျားတပ်ဖွဲ့တွေကို ဦးဆောင်ခဲ့တယ်။

ဗိုလ်မှူးကြီးစမစ်ဒွန်းဟာ မြန်မာ့လွတ်လပ်ရေးကြိုးပမ်းမှု အစောပိုင်းကာလမှာ အဓိကအခန်းက ပါဝင်ခဲ့တယ်။ စမစ်ဒွန်းကို တပ်မတော်ကာကွယ်ရေးဦးစီးချုပ်အဖြစ် ခန့်အပ်ခဲ့ပြီး ဗိုလ်ချုပ်အဆင့် ရာထူးတိုးမြှင့် ခန့်ထားခဲ့တယ်။

အဲဒါဟာ လူမျိုးပေါင်းစုံပါဝင်တဲ့ အနာဂတ်ပြည်ထောင်စုမြန်မာနိုင်ငံမှာ တိုင်းရင်းသားလူမျိုးစုတွေနဲ့ ဗမာတွေအကြား ယုံကြည်မှုတည်ဆောက်တဲ့ ခြေလှမ်းတခုဖြစ်ပါတယ်။

၁၉၄၉ ခုနှစ် ကရင်လူမျိုးတွေ ကိုယ်ပိုင်လွတ်လပ်ရေးအတွက် စတင်တိုက်ခိုက်ကြတဲ့အခါမှာတော့ အဲဒီယုံကြည်မှု ယိမ်းယိုင်ခဲ့ရတယ်။ ဗိုလ်ချုပ်စမစ်ဒွန်းကို သူ့ရဲ့ကရင်တပ်ဖွဲ့တွေနဲ့အတူ တပ်မတော်ရာထူးတွေက ရပ်ဆိုင်းပစ်ခဲ့ကြတယ်။

စမစ်ဒွန်းဟာ ကရင်အမျိုးသားရေး စိတ်ဓာတ်ပြင်းပြသူတယောက်ဖြစ်ပေမယ့် ဗမာ့တပ်မတော်အပေါ် အမြဲတမ်းသစ္စာရှိပြီး စစ်သားကောင်းပီသတဲ့ ခေါင်းဆောင်တယောက်ဖြစ်တယ်။ တပ်မတော်ဦးစီးချုပ်တယောက် အနေနဲ့ စမစ်ဒွန်းဟာ ကရင် တပ်ဖွဲ့တွေကို ထက်မြက်ပြီး စစ်စည်းကမ်းပြည့်ဝအောင် လုပ်ဆောင်ခဲ့တယ်။

တပ်မတော်ကနေ ထုတ်ပယ်ခံရပြီးနောက်ပိုင်းတွင်လည်း အစိုးရက သူ့အပေါ်သံသယထားခဲ့တယ်။ ၁၉၇၉ ခုနှစ် ကွယ်လွန်ချိန်အထိ စောင့်ကြည့်ခံခဲ့ရတယ်။

ဗိုလ်ချုပ်စမစ်ဒွန်းဟာ ဘ၀ရဲ့နောက်ဆုံးနှစ်တွေကို ရှမ်းပြည်နယ် ကလောမြို့မှာနေထိုင်ရင်း ဥယျာဉ်စိုက်ပျိုးပြီး စာရေး စာဖတ်တဲ့အလုပ်နဲ့ပဲ ဖြတ်သန်းခဲ့တယ်။ သူမကွယ်လွန်ခင် သူ့ရဲ့ကိုယ်ရေးအတ္ထုပ္ပတ္တိစာအုပ်ဖြစ်တဲ့ “Memoirs of the Four-foot Colonel” ဟာ ရေးသားပြီးစီးခဲ့ပြီး သူကွယ်လွန်ပြီးလို့ တနှစ်အကြာမှာ Cornell University ရဲ့ အရှေ့တောင်အာရှ အစီအစဉ်က ထုတ်ဝေဖြန့်ချိခဲ့ပါတယ်။
ဆက်လက်ဖတ်ရှုရန်...

ဗိုလ်မှူးချုပ် ကျော်ဇော (၁၉၁၉ - လက်ရှိ)


ဗိုလ်မှူးချုပ်ကျော်ဇောဟာ ရဲဘော်သုံးကျိပ်ဝင်တွေထဲက သက်ရှိထင်ရှား ကျန်ရှိနေသူ နှစ်ဦးမှာ တဦးဖြစ်တယ်။ မျိုးးချစ် စိတ်ဓာတ်ပြင်းထန်ပြီး လက်ဝဲယိမ်းတဲ့ ဗိုလ်ကျော်ဇော ဟာ ၁၉၄၄ ခုနှစ်မှာ ဗမာပြည်ကွန်မြူနစ်ပါတီထဲ ၀င်ခဲ့တယ်။ ပါတီက ရွေးချယ်တင်မြှောက်ထားတဲ့ ပါတီဗဟိုကော်မတီဝင်တဦးဖြစ်ပေမယ့် ပါတီရဲ့ လှုပ်ရှားမှုတွေမှာ ပါဝင်ခဲလှတယ်။ စစ်မြေပြင် က သူရသတ္တိပြောင်မြောက်မှုတွေကိုသာ လူသိများပါတယ်။

ဗိုလ်ကျော်ဇော ထင်ရှားကျော်ကြားခဲ့တာဟာ ၁၉၄၉ ခုနှစ်ကဖြစ်ပွားခဲ့တဲ့ အင်းစိန်တိုက်ပွဲမှာ စခဲ့တယ်။ ရန်ကုန်မြို့ မြောက်ဘက်ဆင်ခြေဖုံးနေရာတွေကို သိမ်းပိုက်ထားတဲ့ ကရင်သူပုန် တွေကို တိုက်ထုတ်ခဲ့တဲ့ သုံးလကျော်ကြာတိုက်ပွဲဟာ သူ့ရဲ့စစ်မှုထမ်းသက်တလျှောက် မေ့မရနိုင်တဲ့ အရှည်လျားဆုံးစစ်ပွဲ၊ အခက်ခဲဆုံး၊ အပင်ပန်းဆုံးနဲ့ အန္တရာယ်အများဆုံး စစ်ပွဲလို့ ကိုယ်တိုင်ရေးအတ္ထုပ္ပတ္တိထဲမှာ ရေးသားခဲ့တယ်။ အင်းစိန်တိုက်ပွဲမှာ ဗိုလ်ကျော်ဇောဟာ သူ့တပ်ဖွဲ့တွေနဲ့အတူ အမြဲ ရင်ပေါင်တန်း တိုက်ပွဲဝင်တတ်သူ သတ္တိပြောင်မြောက်တဲ့ တပ်မှူးတဦးအဖြစ် အထက်အရာရှိတွေနဲ့ စစ်သားဟောင်းကြီး တွေကလည်း အမှတ်ရကြတယ်။

ရှမ်းပြည်နယ်ထဲ ကူမင်တန်တပ်တွေ ကျူးကျော်ဝင်ရောက်မှုကို တပ်မတော်က တိုက်ထုတ်စဉ်ကလည်း ဗိုလ်ကျော်ဇော နာမည်ဟာ လူတိုင်းပါးစပ်ဖျားမှာ တဖွဖွပြောဆိုရတဲ့အထိ ဖြစ်ခဲ့တယ်။ ထိုင်း-မြန်မာနယ်စပ်တလျှောက် သူ့ရဲ့စွန့်စားခန်း တွေဟာ ဒဏ္ဍာရီဆန်ဆန်ပါပဲ။ မြန်မာတပ်တွေ ထိုင်းနိုင်ငံနယ်ခြားကို ဖြတ်သန်းခွင့်ရဖို့အတွက် ဘိန်းအရောင်းအ၀ယ်တခု မှာ ကူမင်တန်တွေလိမ်လိုက်တဲ့ ထိုင်းစစ်ဗိုလ်ချုပ်တယောက်နဲ့ ဗိုလ်ကျော်ဇော သဘောတူညီမှု ရယူခဲ့တယ်။

ထိုင်း-မြန်မာနယ်စပ်အနီး တောင်ထူထပ်တဲ့ ဒွိုင်တန်တောင်တန်းပေါ်က ကူမင်တန်တွေရဲ့ခံတပ်ကိုတိုက်ဖို့ စစ်ပြင်နေတုန်း ထိုင်းဆက်သွယ်ရေးအရာရှိတယောက်က ဒီခံတပ်ကိုသိမ်းပိုက်ဖို့ အချိန်ဘယ်လောက်ကြာမလဲလို့ မေးတဲ့အခါ “မနက် ၈ နာရီစတိုက်ရင် နောက်အကျဆုံး ညနေ ၄ နာရီ ငါတို့အလံကို တောင်ကုန်းပေါ်မှာ လွှင့်မယ်”လို့ ဗိုလ်ကျော်ဇောက အကြောင်းပြန်လိုက်တယ်။

အဲ့ဒီတိုက်ပွဲကိုကြည့်ဖို့ ထိုင်းနိုင်ငံဘက်အခြမ်းမှာ လူတသောင်းကျော် စုဝေးရောက်ရှိနေကြပြီး တချို့ဆိုရင် တိုက်ပွဲရဲ့ ရလဒ်ကို အလောင်းအစား လုပ်နေသူတွေတောင် ရှိခဲ့တယ်။ ဗိုလ်ကျော်ဇောဟာ သူပြောတဲ့အတိုင်း ညနေ ၄ နာရီမှာ မြန်မာအလံကို လွှင့်ထူနိုင်ခဲ့တယ်။

၁၉၅၇ ခုနှစ် ဧပြီလမှာ ဗိုလ်ကျော်ဇောရဲ့ကံကြမ္မာအပြောင်းအလဲဖြစ်ခဲ့တယ်။ မြန်မာနိုင်ငံအလယ်ပိုင်းက ဗမာပြည် ကွန်မြူနစ် ပါတီရဲ့ အမာခံစခန်းတခုကို ၀င်ရောက်စီးနင်းတိုက်ခိုက်ရာက ရှာဖွေတွေ့ရှိခဲ့တဲ့ အထောက်အထားတွေဟာ တပ်မတော်ရဲ့ လှုပ်ရှားမှုသတင်းတွေကို ကွန်မြူနစ်သူပုန်တွေထံ ဗိုလ်ကျော်ဇော ပို့ခဲ့တယ်လို့ဆိုပြီး ရာထူးကနေ အနား ပေးခဲ့တယ်။ တပ်မတော်ကနေ အနားယူခဲ့ပြီးနောက် ပြည်တွင်းငြိမ်းချမ်းရေးကို တက်တက်ကြွကြွထောက်ခံခဲ့တယ်။
၁၉၇၆ ခုနှစ်မှာ အစိုးရရဲ့ တင်းတင်းကျပ်ကျပ် စောင့်ကြည့်နေတဲ့ကြားကပဲ ဗမာပြည်ကွန်မြူနစ်ပါတီ ထိန်းချုပ်ရာနယ်မြေဆီ ရှောင်ထွက်နိုင်ခဲ့တယ်။ ကွန်မြူနစ်ပါတီ ဗဟိုကော်မတီနဲ့ စစ်ကော်မရှင်အဖွဲ့ဝင် ဖြစ်လာခဲ့တယ်။ ပါတီတွင်းပြိုင်ဆိုင်မှုတွေ ကြောင့် ပါတီပြိုကွဲခဲ့တဲ့ ၁၉၈၉ ခုနှစ်မှာတော့ ဗိုလ်ကျော်ဇော တရုတ်ပြည်ထဲ ၀င်ရောက်ခိုလှုံခဲ့ရတယ်။

အခုအခါ အသက် ၉၀ ရှိပြီဖြစ်တဲ့ ၀ါရင့်တပ်မှူးကြီး ဗိုလ်ကျော်ဇောဟာ တရုတ်နိုင်ငံ ကူမင်းမြို့မှာ နေထိုင်လျက်ရှိ ပါတယ်။ ဧရာဝတီမဂ္ဂဇင်းနဲ့ တွေ့ဆုံမေးမြန်းခန်းတခုမှာ ဒီနေ့ခေတ် တပ်မတော်ကို “ကြေးစားတပ်”လို့ ပြောဆိုခဲ့တယ်။ တိုင်းပြည်အကျိုးအတွက် စစ်တိုက်ခဲ့တဲ့ သူတို့ခေတ်က တပ်မတော်ခေါင်းဆောင်တွေနဲ့မတူတဲ့“ဒီနေ့ခေတ် စစ်ခေါင်းဆောင် တွေရဲ့ တခုတည်းသောရည်ရွယ်ချက်က စစ်အာဏာရှင်စနစ်ကို ထိန်းသိမ်းကာကွယ်ဖို့”လို့ပြောခဲ့ပါတယ်။
ဆက်လက်ဖတ်ရှုရန်...

ဗိုလ်မှူးချုပ် လက်ျာ (၁၉၁၁- ၁၉၇၈)


ဗိုလ်မှူးချုပ် လက်ျာ (ခေါ်) လှဖေဟာ စကားပြောသိမ်မွေ့နူးညံ့ပြီး ရိုးရိုးကုပ်ကုပ်နေတတ်တဲ့ ရဲဘော်သုံးကျိပ်ဝင် တယောက်ဖြစ်တယ်။ ဒါပေမယ့် ရဲဘော်သုံးကျိပ် ဂျပန်ပြည်မှာ စစ်ပညာသင်တဲ့အခါ ဗိုလ်ချုပ်အောင်ဆန်းက ဗမာ့ တပ်မတော်ကို ဦးဆောင်ဖို့တာဝန်ပေးတဲ့အခါမှာ ဗိုလ်မှူးချုပ် လက်ျာဟာ စစ်သားကောင်းတယောက်အဖြစ် သက်သေပြ ခဲ့တယ်။

ဗိုလ်လက်ျာဟာ ဒို့ဗမာအစည်းအရုံးကို ဖွဲ့စည်းတည်ထောင်ခဲ့သူတွေထဲမှာ ပါတယ်။ အဲ့ဒီ အဖွဲ့ကို ဗြိတိသျှ နယ်ချဲ့ကို ဆန့်ကျင်တဲ့ ပညာတတ်မျိုးချစ်လူငယ်တစုက ထူထောင်ခဲ့တာ ဖြစ်တယ်။ အဖွဲ့ဝင်တွေဟာ သူတို့ကိုယ်သူတို့ “သခင်” တပ်ခေါ်ကြတယ်။ ဗိုလ်လက်ျာဟာ ဗမာပြည်ကွန်မြူနစ်ပါတီအပေါ် သစ္ခာရှိတဲ့ ထိပ်တန်း ပါတီဝင်တဦးလည်း ဖြစ်တယ်။

ဗိုလ်လက်ျာဟာ ဗမာ့လွတ်လပ်ရေးတိုက်ပွဲအတွက် နိုင်ငံခြားအကူအညီရှာဖွေဖို့ ဗိုလ်ချုပ်အောင်ဆန်းနဲ့အတူ တရုတ်ပြည် ကို ပထမဆုံးသွားခဲ့တယ်။ ရဲဘော်နှစ်ယောက် ချိန်းထားတဲ့အဆက်အသွယ်နဲ့လွဲပြီး သောင်တင်နေစဉ် လိုအပ်နေတဲ့ ရန်ပုံ ငွေကို ရှာဖွေခဲ့တာ ဗိုလ်လက်ျာဖြစ်တယ်။

ဂျပန်ပြည်မှာ စစ်သင်တန်းတက်ပြီးနောက် ဗိုလ်လက်ျာကို ထိုင်းနိုင်ငံကတဆင့် မြန်မာပြည်ထဲဝင်ပြီး ကျေးလက်ပြည်သူ တွေကို တော်လှန်ရေးလှုပ်ရှားမှုထဲ ပါဝင်လာအောင် လှုံ့ဆော်စည်းရုံးဖို့ တာဝန်ပေးခဲ့တယ်။ ဗိုလ်လက်ျာနဲ့တပ်ဖွဲ့ဟာ မြန်မာနိုင်ငံ တောင်ပိုင်းက ကျေးလက်ပြည်သူတွေကို စည်းရုံးပြီး တပ်သားသစ်တွေစုဆောင်းခဲ့တယ်။

တပ်မတော်မှာ ဗိုလ်ချုပ်အောင်ဆန်းပြီးရင် ဗိုလ်လက်ျာဟာ ဗမာ့လွတ်လပ်ရေးတပ်မတော်ရဲ့ ဒုတိယကာကွယ်ရေးဦးစီးချုပ် ဖြစ်တယ်။ ဗိုလ်ချုပ်အောင်ဆန်းဟာ ဗိုလ်လက်ျာကို တပ်မတော်ရဲ့ ခေါင်းဆောင်အဖြစ် သူ့နေရာမှာ အစားထိုးတာဝန်ယူ စေချင်တာကို လုပ်ဖော်ကိုင်ဖက်တွေက သိကြတယ်။ ဗိုလ်လက်ျာရဲ့နေရာကို ပြိုင်ဆိုင်မယ့် နိုင်ငံရေးပြိုင်ဖက်တွေရန်က ဗိုလ်ချုပ်အောင်ဆန်းဟာ သတိနဲ့အမြဲ ကာကွယ်ပေးခဲ့တယ်။ အဲ့ဒီအချက်ဟာ ၁၉၄၉ ခုနှစ်မှာ တပ်မတော်ကာကွယ်ရေး ဦးစီးချုပ်ဖြစ်လာတဲ့ ဗိုလ်နေ၀င်းနဲ့ ဗိုလ်လက်ျာအကြားမှာ ကြီးမားတဲ့တင်းမာမှုတွေ ဖြစ်စေခဲ့တယ်။

ဗိုလ်လက်ျာဟာ နု-အက်တလီစာချုပ်ရဲ့ နောက်ဆက်တွဲအဖြစ် လက်ျာ-ဖရီးမင်း ကာကွယ်ရေးစာချုပ်ကို ၁၉၄၇ ခုနှစ်မှာ လက်မှတ်ထိုးခဲ့တယ်။ လက်ျာ-ဖရီးမင်းစာချုပ်ဟာ ဗြိတိသျှတပ်တွေ မြန်မာနိုင်ငံထဲဝင်ထွက်ခွင့်နဲ့ ဗမာ့တပ်မတော်ကို စစ် သင်တန်းပေးမယ့်အစီအစဉ်တွေ လုပ်ဆောင်နိုင်အောင် အထောက်အပံ့ဖြစ်ခဲ့လို့ ဗိုလ်လက်ျာကို ဗြိတိသျှလိုလားသူအဖြစ် စွပ်စွဲခဲ့ကြတယ်။

၁၉၄၇ ခုနှစ် ဇူလိုင်လမှာ ဗိုလ်ချုပ်အောင်ဆန်း လုပ်ကြံခံရပြီးနောက် ဗိုလ်လက်ျာဟာ တပ်မတော်မှာ ကြာကြာဆက်ရှိမနေ တော့ပါဘူး။ နောက်တနှစ်အကြာမှာ မြန်မာအစိုးရကိုတိုက်နေတဲ့ ကရင်ခေါင်းဆောင်တွေကို ထောက်ခံနေတယ်လို့ စွပ်စွဲခံ ရပြီး ဗိုလ်လက်ျာ တပ်မတော်ကနေ နုတ်ထွက်ခဲ့တယ်။ ဖဆပလ အဖွဲ့ချုပ်ထဲဝင်ခဲ့ပြီး နိုင်ငံရေးလုပ်ခဲ့တယ်။ ဒုတိယ
ဝန်ကြီးချုပ်နဲ့ ကာကွယ်ရေးဝန်ကြီး ဖြစ်လာတယ်။

ဗိုလ်လက်ျာဟာ ၁၉၅၀ ခုနှစ်တွေမှာ လက်ျာကုမ္ပဏီနဲ့ မာတဘမ်ကုမ္ပဏီတို့ကို ထူထောင်ပြီး အောင်မြင်တဲ့ စီးပွားရေးသမား အဖြစ်နဲ့ နိုင်ငံခြားကို ရေထွက်ပစ္စည်းတင်ပို့တဲ့လုပ်ငန်းကို လုပ်ကိုင်ခဲ့တယ်။ ဗိုလ်လက်ျာနဲ့ ချမ်းသာကြွယ်ဝကြတဲ့ သူ့မိသား စု ဟာ မြန်မာ့နိုင်ငံရေးနဲ့ စီးပွားရေးအသိုင်းအ၀န်းမှာ လူသိများထင်ရှားပြီး ဩဇာရှိပုဂ္ဂိုလ်တွေ ဖြစ်ခဲ့ကြတယ်။

ဗိုလ်လက်ျာဟာ ၁၉၆၂ခုနှစ်မှာ ဗိုလ်နေ၀င်းဖြုတ်ချတာခံလိုက်ရတဲ့ ၀န်ကြီးချုပ်ဟောင်း ဦးနုကို ထောက်ခံသူဖြစ်တယ်။ ၁၉၆၀ ခုနှစ်နောက်ပိုင်းမှာ ဗိုလ်လက်ျာဟာတောခိုခဲ့ပြီး ဦးနုရဲ့ ပြည်ပြေးအစိုးရနဲ့ ပူးပေါင်းခဲ့တယ်။ ပြည်ချစ် လွတ်မြောက် ရေးတပ်မတော်ရဲ့ တပ်မှူးတဦး ဖြစ်ခဲ့တယ်။ ထိုင်းနယ်စပ်မှာအခြေစိုက်တဲ့ အဲ့ဒီတပ်ဟာ ကရင်နဲ့ ပဋိပက္ခတွေကြားမှာပဲ
တ၀ဲလည်လည် ဖြစ်နေခဲ့တယ်။ ရန်ကုန်ကိုချီတက်ပြီး ဗိုလ်နေ၀င်းကိုဖြုတ်ချဖို့ ဘယ်တုန်းကမှ အခွင့်အရေးမရခဲ့ဘူး။

၁၉၇၈ ခုနှစ် နိုဝင်ဘာလမှာ ကရင်တပ်ဖွဲ့တွေနဲ့ ဖြစ်ပွားတဲ့ တိုက်ပွဲတပွဲအတွင်း ဗိုလ်လက်ျာ ကျဆုံးခဲ့ရတယ်။
ဆက်လက်ဖတ်ရှုရန်...

ဗိုလ်ချုပ်အောင်ဆန်း (၁၉၁၅ - ၁၉၄၇)


ကျနော့်ရဲ့သူရဲကောင်း
ဗိုလ်မှူးချုပ်ကျော်ဇော

ဗြိတိသျှအုပ်စိုးတဲ့ မြန်မာနိုင်ငံမှာ ဗိုလ်ချုပ်အောင်ဆန်း မွေးဖွားလာခဲ့တယ်။ အဲ့ဒီအချိန်က မြန်မာ့လွတ်လပ်ရေး အတွက် နယ်ချဲ့ဗြိတိသျှတွေကို ဆန့်ကျင်တွန်းလှန်တာဟာ မြန်မာ နိုင်ငံသားတိုင်းရဲ့ သမိုင်းပေးတာဝန်တရပ် ဖြစ်ပါတယ်။

ဗိုလ်ချုပ်ဟာ ဒီတာဝန်ကို ဦးလည် မသုန် ထမ်းရွက်ခဲ့တယ်။ သူဟာ သူ့ပိုင်ဆိုင်မှုအားလုံးနဲ့ သူ့အသက်ကိုပါ စွန့်လွှတ်သွားခဲ့ သူ ဖြစ်တယ်။ ဗိုလ်ချုပ်အောင်ဆန်းဟာ သူ့ယုံကြည်ချက်ကနေ ဘယ်တော့မှ သွေဖည်မသွားဘဲ စွဲစွဲမြဲမြဲ လုပ်ကိုင်သွားသူ ဖြစ်တယ်။ သူကျဆုံးသွားချိန်အထိ ဘ၀တလျှောက်လုံး နယ်ချဲ့ကို ဆန့်ကျင်ခဲ့သူဖြစ်တယ်။ နယ်ချဲ့ဗြိတိသျှတွေနဲ့ စေ့စပ် ညှိနှိုင်းလို့ ယုံကြည်မှုတည်ဆောက်ခဲ့ပေမယ့် မြန်မာပြည် တစည်းတလုံးတည်း လွတ်လပ်ရေးရဖို့အတွက်ကို ဘယ်လို အပေးအယူမှ မရှိခဲ့ဘူး။

ဗိုလ်ချုပ်ဟာ လွတ်လပ်ရေးကိုတိုက်ယူရာမှာ မဖြစ်နိုင်ဘူးလို့ထင်ရတဲ့ လုပ်ငန်းကို အမျှော်အမြင်ရှိရှိနဲ့ အားသွန်ခွန်စိုက် ကြိုးပမ်းဆောင်ရွက်ခဲ့တယ်။ အင်အားကြီးတဲ့ ရန်သူကိုတိုက်ဖို့အတွက် စစ်တပ်တတပ်လိုတယ်ဆိုတာ သဘောပေါက် တယ်။ ဒါကြောင့် သူ့ခေါင်းဆောင်မှုအောက်မှာ ဗမာ့လွတ်လပ်ရေးတပ်မတော်ကို လူ ၃၀ နဲ့ စတင်ဖွဲ့စည်းခဲ့တယ်။ လအနည်းငယ်အတွင်း ဗမာ့လွတ်လပ်ရေးတပ်မတော်ဟာ တပ်သားသစ်ထောင်ပေါင်းများစွာကို စုဆောင်းနိုင်ခဲ့တယ်။

စစ်တပ်ကိုဖွဲ့စည်းထူထောင်ခဲ့ပြီးနောက် ခေတ်မီတပ်မတော်ဖြစ်လာအောင်လည်း တပ်မတော်လေ့ကျင့်ရေးကျောင်းနဲ့ စစ်တက္ကသိုလ်တွေ ဖွင့်လှစ်ခဲ့တယ်။ တပ်မတော်ကို ခိုင်မာတဲ့ အဖွဲ့အစည်းတခုဖြစ်လာအောင် ဖန်တီးခဲ့တာ ဗိုလ်ချုပ် အောင်ဆန်းဖြစ်တယ်။ ဒါပေမယ့် ဗိုလ်ချုပ်ဟာ အနာဂတ်တပ်မတော်ကို နိုင်ငံရေးနဲ့ ကင်းကင်းနေသင့်တယ်ဆိုပြီး လမ်းညွန်ခဲ့ပါတယ်။

နိုင်ငံရေးမျက်နှာစာမှာလည်း ဗိုလ်ချုပ်ဟာ အကွဲကွဲအပြားပြားဖြစ်နေတဲ့ အင်အားစုတွေကို စုစည်းနိုင်ခဲ့တယ်။ ပညာတတ် အထက်တန်းလွှာတွေနဲ့ သူတို့ရဲ့မိသားစုဝင်တွေကို တော်လှန်ရေးထဲပါဝင်လာအောင် စည်းရုံးနိုင်ခဲ့တယ်။

ဗိုလ်ချုပ် အောင်ဆန်းရဲ့ အပြောင်မြောက်ဆုံးဆောင်ရွက်ချက်က ဒုတိယကမ္ဘာစစ်အတွင်း ဂျပန်ကျူးကျော်သူတွေကို ပြန်လည်တိုက်ထုတ်ဖို့အတွက် ဖက်ဆစ်ဆန့်ကျင်ရေး ပြည်သူ့လွတ်မြောက်ရေးအဖွဲ့ချုပ်ကြီးကို ဖန်တီးနိုင်ခဲ့ခြင်းပဲဖြစ် တယ်။ နောက်ထပ် ထူးခြားတဲ့အရည်အချင်းက တိုင်းရင်းသားလူမျိုးပေါင်းစုံကို သူနဲ့အတူရပ်တည်ပြီး လွတ်လပ်ရေးကို အတူတကွတောင်းဆိုဖို့ စည်းရုံးနိုင်ခဲ့ခြင်းပါပဲ။

၁၉၃၅ ခုနှစ်ကနေ ၁၉၄၇ ခုနှစ်အထိ တိုတောင်းလှတဲ့ ၁၂ နှစ်တာကာလအတွင်း ကျောင်းသားခေါင်းဆောင်ဘ၀ကနေ အမျိုးသားခေါင်းဆောင်တယောက်ဖြစ်လာတာ ကျနော်တော့ အတော်အံ့ဩမိတယ်။

ကြီးမြတ်တဲ့ ခေါင်းဆောင်တိုင်းမှာ ရှိအပ်တဲ့အရည်အချင်းတွေအကုန်လုံး ဗိုလ်ချုပ်အောင်ဆန်းမှာရှိတယ်။ ကျနော်တွေ့ဖူးခဲ့ သမျှ ခေါင်းဆောင်တွေထဲမှာ အထက်မြက်ဆုံးခေါင်းဆောင်တယောက် ဖြစ်တယ်။ သူအလုပ်လုပ်တဲ့အခါ စွမ်းဆောင်ရည် အပြည့်ရှိတယ်။ အစည်းအဝေးခေါ်လိုက်တိုင်း ဘာဆွေးနွေးမလဲဆိုတဲ့အစီအစဉ် သူ့မှာ အမြဲရှိတယ်။ အစည်းအဝေးကို အချိန်မဖြုန်းဘဲ စနစ်တကျစီမံသွားနိုင်တယ်။ အစည်းအဝေးပြီးတဲ့အခါလည်း လူတိုင်းဟာ ကိုယ်ဘာလုပ်ရမယ်ဆိုတာကို ရှင်းရှင်းလင်းလင်းသိသွားတယ်။

နောက်ဆုံးအနေနဲ့ အရေးပါတဲ့အရည်အသွေးတခုက ဗိုလ်ချုပ်အောင်ဆန်းဟာ ကိုယ်ကျင့်သိက္ခာကြီးမားပြီး စိတ်ထက်သန် တဲ့ မျိုးချစ်ပုဂ္ဂိုလ်တယောက် ဖြစ်ခြင်းပါပဲ။ တိုင်းရင်းသားညီအစ်ကိုမောင်နှမတွေနဲ့အတူ မြန်မာပြည်သူအားလုံးဟာ ဗိုလ်ချုပ် အောင်ဆန်းကို ချစ်ခင်မြတ်နိုးတမ်းတနေဆဲပဲလို့ ကျနော်ယုံကြည်ပါတယ်။

(ဗိုလ်မှူးချုပ်ကျော်ဇောဟာ သက်ရှိထင်ရှားကျန်ရှိနေသေးတဲ့ ရဲဘော်သုံးကျိပ်ဝင်နှစ်ဦးထဲက တဦးဖြစ်ပြီး တရုတ်နိုင်ငံ ကူမင်းမြို့မှာ နေထိုင်လျက်ရှိပါတယ်)
ဆက်လက်ဖတ်ရှုရန်...
 

Copyright © 2009 ဒေါင်းဇာနည် All rights reserved.