ရှမ်းပြည်အရှေ့မြောက်ပိုင်း၊ ကိုးကန့်ဒေသအတွင်း နယ်စပ်ကုန်သွယ်ရေးစခန်းသစ် ဖွင့်လှစ်ရန်ရှိကြောင်း စစ်အစိုးရက ပြောဆိုနေသော်လည်း အဆိုပါစခန်းမှာ ယခုအချိန်အထိ အကောင်အထည်ဖော်နိုင်ခြင်းမရှိသေးပေ။
အဆိုပါစခန်းသစ် ဖွင့်လှစ်ရန်ရှိကြောင်း နယ်စပ်ဒေသ တိုင်းရင်းသားလူမျိုးများ ဖွံ့ဖြိုးတက်ရေးဝန်ကြီးဌာနကို ကိုးကားပြီး ဆင်ဟွာသတင်းဌာနက အောက်တိုဘာ (၁၅) ရက်တွင် သတင်းထုတ်ပြန်ထားခြင်းဖြစ်သည်။
တရုတ်-မြန်မာ နယ်စပ်ကုန်သွယ်ရေး စခန်းသစ် ဖြစ်လာရန်လည်း အလှမ်းဝေးသေးကြောင်း၊ ကိုးကန့်ဒေသအတွင်းရှိ လက်ရှိ ချင်းရွှေဟော် ကုန်သွယ်ရေးစခန်းပင်လျှင် နယ်မြေအခြေအနေ တည်ငြိမ်မှု မရှိသေးသည့်အတွက် ဆက်လက်လုပ်ကိုင်ရန်ပင် မဝံ့မရဲဖြစ်လာနေသည်ဟု နယ်စပ်ကုန်သည်တဦးက ပြောသည်။
ကိုးကန့်နယ်မှ ကုန်သွယ်မှုတွင် ဂျူတီဆောင်ကာ တရားဝင်လုပ်နေသည့်ကုန်သည် အလွန်နည်းပြီး (၁၀) ဦးခန့်သာရှိကြောင်း၊ အများဆုံး လုပ်ကိုင်နေကြသည်မှာ မှောင်ခိုလိုင်းကသာ ဖြစ်သည့်အတွက် ကုန်သွယ်ရေးစခန်းထပ်ဖွင့်ရန် မလွယ်ကူသေးကြောင်း ယင်းကုန်သည်က ပြောသည်။
၎င်းက “ဖွင့်လို့တော့ရတာပေါ့။ လိုင်ဇာလို၊ ကန်ပိုက်တီးတို့လို နာမည်သာရှိပြီး ကုန်သည်မရှိတဲ့ ဟာမျိုး ဖြစ်မှာပေါ့။ အခုချိန်ထိတော့ ရန်လုံကျိုင်းကုန်သွယ်ရေးစခန်း အရိပ်အယောင်တောင် မတွေ့ရသေးဘူး။ လက်ရှိ ဒီဒေသမှာတောင် ဘယ်နေ့ တိုက်ပွဲဖြစ်မလဲဆိုပြီး ရင်တထိတ်ထိတ်ဖြစ်နေတာ။ နယ်စပ်ဖြတ်ကျော်တဲ့ စာအုပ်တွေ အရန်သင့်လုပ်ထားရတာ။ ဖြစ်လာရင် တရုတ်ဘက်ကမ်း မုန်းတိန်းဘက် ပြေးရအောင်” ဟု ပြောသည်။
မူဆယ်ကုန်သွယ်ရေးဇုန်တွင် ခွင့်မပြုသည့်ကုန်စည်များနှင့် ဂျူတီခများသည့်အတွက်သာ ချင်းရွှေဟော် နယ်စပ် ကုန်သွယ်ရေးစခန်းတွင် လာရောက် လုပ်ကိုင်နေကြခြင်းဖြစ်ပြီး အကယ်၍ ရန်လုံကျိုင်းစခန်း ထပ်ဖွင့်လျှင်လည်း ကုန်သည်တိုးလာရန် မရှိနိုင်ဘဲ လက်ရှိကုန်သည်များထဲမှ ပြောင်းပြီး လုပ်ကိုင်ရန်သာ ရှိသည်ဟု မူဆယ် နယ်စပ်ကုန်သည်တဦးက ပြောသည်။
၎င်းက “မူဆယ်ဘက်မှာ ကုန်သည် (၅ဝဝ) လောက်ရှိမယ်။ ဒီဘက်မှာ လုပ်ရခက်ရင်သာ အဲဒီဘက်ကို ရွှေ့ပြောင်းကောင်း ရွှေ့ပြောင်းနိုင်တယ်၊ ဒါကလည်း ဖြစ်နိုင်ခြေ သိပ်မရှိဘူး။ အမှန်ကတော့ ရှိတဲ့ကုန်သည်တွေကိုသာ တင်းကျပ်တဲ့ မူဝါဒတွေ လျှော့ပေါ့ပေး၊ နှစ်ဘက်ပြေလည်အောင် လုပ်ပေးနိုင်ရင်တော့ အကောင်းဆုံးပဲ။ စခန်းသစ်တွေ ထပ်ဖွင့်နေတာထက် ရှိတဲ့စခန်းမှာ လုပ်နေတဲ့သူတွေကို မှောင်ခိုဘက် ရောက်မသွားနိုင်အောင် စည်းရုံးဖို့ပဲ အရေးကြီးပါတယ်” ဟု ပြောသည်။
ချင်းရွှေဟော်နယ်စပ် ကုန်သွယ်ရေးစခန်းတွင် မြန်မာပြည်ဘက်မှ ဆန်၊ ရာဘာ၊ ပြောင်းတို့ကို တရားဝင်တင်ပို့နေပြီး မြေပဲ၊ နှမ်းတို့ကို မှောင်ခိုတင်ပို့ကာ တရုတ်ပြည်ဘက်မှ အချိုမှုန့်၊ ဖျော်ရည်ဘူး၊ ဘီယာများ မှောင်ခိုတင်သွင်းနေသည်။
ခေတ်ပြိုင်မှတဆင့်
-
No comments:
Post a Comment
မည်သည့်အကြံပေးစာကိုမဆို ဝေဖန်စာကိုမဆို ရေးသားနိုင်ပါသည်။မိတ်ဆွေတို့၏ အကြံပေးချက်များသည် ကျွန်တော်အတွက် အားအင်၊အကြံဥာဏ်သစ်များ ဖြစ်ပါသည်။